Լրահոս
Օրվա լրահոսը

ԱՄՆ ՄԶԳ-ն աջակցում է առողջապահական ծրագրերին

Օգոստոս 16,2017 19:11

ԱՄՆ Միջազգային զարգացման գործակալության ՀՀ առաքելության տնօրեն  Դեբորա Գրիզերի  հետ  հանդիպման ժամանակ քննարկվել են ԱՄՆ-ի և Հայաստանի Հանրապետության կառավարությունների միջև ստորագրված համաձայնագրի շրջանակում համատեղ իրականացվող ծրագրերի հետագա քայլերը:

Տիկին Դեբորա Գրիզերն  ընդգծել է, որ ԱՄՆ ՄԶԳ-ն լիովին կանգնած է նախարարության կողքին և պատրաստակամ է աջակցելու իրականացվող ծրագրերին, որոնք ուղղված են հանրային ծառայությունների մատուցման համակարգում թափանցիկության  ու հաշվետվողականության բարելավմանը և գերակա ոլորտներում  հանրային առողջության տվյալների հավաքագրման  բարելավմանը:

«Միջկառավարական համաձայնագրով մեր հիմնական նպատակը ՀՀ առողջապահության նախարարության կարողությունների, հմտությունների զարգացումն է, և ձգտում ենք այդ ուղղությամբ շոշափելի արդյունքներ ունենալ»,-ասել է  ԱՄՆ ՄԶԳ ՀՀ առաքելության տնօրենը։

Նախարարը նշել է, որ ԱՄՆ Միջազգային զարգացման գործակալությունը եղել և մնում է նախարարության գործընկերը։

«Մենք կշարունակենք համագործակցությունը` ակնկալելով սպասված արդյունքների ապահովում»,-ասել է Լևոն Ալթունյանը։

Նախարարի տեղակալ Սամվել Մարգարյանը հավելել է, որ համագործակցության շրջանակում նախանշվող քայլերն ամրագրված են նաև ՀՀ  կառավարության ծրագրերում, ինչը կնպաստի ծրագրի նպատակների արդյունավետ իրականացմանը։

Հանդիպմանը մասնակցել է նաև ՀՀ ԱՆ Առողջապահության ազգային ինստիտուտի տնօրեն Ալեքսանդր Բազարչյանը։

ՀՀ առողջապահության նախարարություն

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Օգոստոս 2017
Երկ Երե Չոր Հնգ Ուրբ Շաբ Կիր
« Հուլ   Սեպ »
 123456
78910111213
14151617181920
21222324252627
28293031