Լրահոս
Օրվա լրահոսը

Արձագանք հրապարակմանը. նախնական ուսումնասիրության նյութերն ուղարկվել են ՀՔԾ

Օգոստոս 16,2017 19:25

ՀՀ քննչական կոմիտեի ներքին անվտանգության վարչությունում ուսումնասիրվել են  Hetq.am կայքում  հրապարակված «Գնդապետի պնդմամբ՝ ՔԿ քննիչները շանտաժի են ենթարկել և անհիմն մեղադրանք առաջադրել» վերտառությամբ հոդվածում մատնանշված հանգամանքները։

Հրապարակման մեջ վկայակոչելով որպես գնդապետ ներկայացած քաղաքացուն՝ Արմեն Գալստյանին, վիճարկվում է ՀՀ ՔԿ առանձին աշխատակիցների գործողությունների իրավաչափությունը՝ մեղադրելով ծանր հանցագործություն կատարելու մեջ։ Մամուլի հրապարակման հիման վրա ՀՀ ՔԿ ներքին անվտանգության վարչությունում  կատարված նախնական ուսումնասիրության ժամանակ Ա.Գալստյանը գրավոր հաստատել է, որ նշված հոդվածի հիմքում դրված տեղեկություններն ինքն է տրամադրել լրատվամիջոցին և պնդել դրանք։

Նկատի ունենալով, որ նշված վերտառությամբ հոդվածում առերևույթ առկա են ՀՀ քրեական օրենսգրքով նախատեսված հանցագործության հատկանիշներ՝ դրա հիման վրա ՀՀ ՔԿ ներքին անվտանգության վարչությունում իրականացված նախնական ուսումնասիրության նյութերն ուղարկվել են ՀՀ հատուկ քննչական ծառայություն։

ՀՀ քննչական կոմիտե

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Օգոստոս 2017
Երկ Երե Չոր Հնգ Ուրբ Շաբ Կիր
« Հուլ   Սեպ »
 123456
78910111213
14151617181920
21222324252627
28293031