Մամուլում տեղեկություններ են շրջանառվում, որ ՀՀ կողմից տրամադրված վարորդական իրավունքի վկայականով ՌԴ-ում տրանսպորտային միջոց շահագործելու միջոցով ձեռնարկատիրական գործունեություն ծավալելու արգելքի հետ կապված խնդիրը լուծվել է: Մասնավորապես, տեղեկություններ կան, թե խնդիրը լուծվել է օրերս Աստանայում կայացած ԵԱՏՄ միջկառավարական խորհրդի նիստում:
Կա՞ լուծում, և արդյոք այդ լուծումը երկկողմ պայմանավորվածության արդյունք է, թե ԵԱՏՄ շրջանակներում ընդունված որոշում: Tert.am-ին ՀՀ տնտեսական զարգացման և ներդրումների նախարարի տեղակալ Հովհաննես Ազիզյանն ասել է, որ Եվրասիական տնտեսական միության հարթակում ՀՀ կողմից տրամադրված վարորդական իրավունքի վկայականով ՌԴ-ում տրանսպորտային միջոց շահագործելու միջոցով ձեռնարկատիրական գործունեություն ծավալելու արգելքի հարցը քննարկվել է դեռևս 2017թ հուլիսի 13-ին Մոսկվայում կայացած ԵԱՏՄ խորհրդի նիստի ժամանակ, երբ այն պաշտոնապես որակվել է որպես ԵԱՏՄ ներքին շուկայի սահմանափակում:
Մանրամասներին կարող եք ծանոթանալ՝ «Tert.am»-ի կայքում:
