Նախօրեին Վայոց Ձորի Շատին գյուղում կնոջը ծեծելու, իր ավտոմեքենան այրելու ու ոստիկաններին հարվածելու համար Շատինի բնակիչ Ա.Գ-ի նկատմամբ մեղադրանք է առաջադրվել: Դատարանի որոշմամբ, երեկ նրա նկատմամբ որպես խափանման միջոց ընտրվել է կալանքը:
Aravot.am-ի տեղեկություններով, թեեւ Ա. Գ-ի կինը վնասվածք է ստացել դեմքի հատվածում, բայց ամուսնու դեմ բողոք չի ներկայացրել: Մեղադրանք է առաջադրվել Քրեական օրենսգրքի 316 հոդվածով՝ իշխանության ներկայացուցչի նկատմամբ բռնություն կատարելու համար:
Հիշեցնենք, որ ավելի վաղ տեղեկացրել էինք, որ Վայոց Ձորի մարզի Շատին գյուղում արտառոց դեպք է տեղի ունեցել: Շատին գյուղի բնակիչ Ա. Գ.-ն այրել է սեփական մեքենան: Նախքան մեքենան այրելը կնոջ հետ է վիճաբանել, նրան ծեծել: Ավելի ուշ դեպքի վայր մեկնած ոստիկանների հետ է վեճի բռնվել, նրանց հարվածել:
Արփինե ՍԻՄՆՈՅԱՆ
