Լրահոս
Օրվա լրահոսը

Քրեական գործ` ԴԱՀԿ ծառայության պաշտոնատար անձանց կողմից չարաշահումներ թույլ տալու փաստերով

Օգոստոս 31,2017 14:29

ՀՀ հատուկ քննչական ծառայությունում քրեական գործ է հարուցվել ՀՀ ԱՆ ԴԱՀԿ ծառայության պաշտոնատար անձանց կողմից պաշտոնեական դիրքը չարաշահելու և կեղծիք կատարելու դեպքերի վերաբերյալ ՀՀ քաղաքացի Ս. Ս.-ից ստացված հաղորդման հիման վրա:

Այսպես, Ս. Ս.-ն հաղորդում է տվել, որ իր ծանոթը` Ս. Հ.-ն, Արարատ քաղաքի` իրեն պատկանող բնակարանը նվիրատվության պայմանագրով տվել է հարևանուհուն, սակայն մեկ տարի անց դիմել է դատարան` հիշյալ պայմանագիրն առոչինչ ճանաչելու խնդրանքով: Դատարանի որոշմամբ բնակարանի օտարումն արգելվել է, որի վերաբերյալ տրվել է համապատասխան կատարողական թերթիկ: Այն ներկայացվել է ՀՀ ԱՆ ԴԱՀԿ ծառայության Վեդու բաժանմունք, սակայն նշված ստորաբաժանման աշխատակիցները, անձնական շահագրգռվածությունից ելնելով, կեղծել են փաստաթղթի ներկայացման ամսաթիվն ու դիմումատուի ստորագրությունը և այդ կերպ դիտավորությամբ հետաձգել բնակարանի օտարումը բացառող` արգելանք կիրառելու որոշման կայացումը: Հիշյալ հանգամանքն էլ Ս. Հ.-ի հարևանուհուն հնարավորություն է ընձեռել բնակարանն այդ ընթացքում վաճառել մեկ այլ անձի:

Այսպիսով, ՀՀ ԴԱՀԿ ծառայության պետական հատուկ ծառայություն իրականացնող անձանց կողմից պաշտոնեական դիրքը չարաշահելու և պաշտոնեական կեղծիք կատարելու դեպքերի առթիվ հարուցվել է քրեական գործ` ՀՀ քրեական օրենսգրքի 308-րդ և 314-րդ հոդվածների 1-ին մասերով:

Կատարվում է նախաքննություն:

Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

 

ՀՀ հատուկ քննչական ծառայություն

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Օգոստոս 2017
Երկ Երե Չոր Հնգ Ուրբ Շաբ Կիր
« Հուլ   Սեպ »
 123456
78910111213
14151617181920
21222324252627
28293031