Լրահոս
Օրվա լրահոսը

«Գնալու եմ արդարացման». «Օֆշորի» գործով մեղադրվող Աշոտ Սուքիասյանը սպառնում է դիմել ՄԻԵԴ

Օգոստոս 31,2017 16:14

Այսօր Էրեբունի եւ Նուբարաշեն վարչական շրջանների ընդհանուր իրավասության դատարանում «Օֆշորի» գործով ամբաստանյալ Աշոտ Սուքիասյանի պաշտպանական ճառը հրապարակվեց:

Ճառում մեջբերվեց գործով տուժող Փայլակ Հայրապետյանի խոսքերը, որ իրեն «քաշել» է այն ժամանակ էկոնոմիկայի նախարար Ներսես Երիցյանը, որ ինքը վստահել է կառավարությանը:

Aravot.am-ը Աշոտ Սուքիասյանին հարցրեց՝ դուք հերքել եք այս գործի հետ ՀՀ նախկին վարչապետ Տիգրան Սարգսյանի, Նավասարդ Կճոյանի առնչությունը, իսկ Ներսես Երիցյանն, ըստ ձեզ, ի՞նչ առնչություն ունի գործում, նա՞ է «քաշել» Փայլակ Հայրապետյանին: Աշոտ Սուքիասյանը պատասխանեց. «Ոչ մի կապ չկա իր հետ, ես մի անգամ եմ տեսել Ներսես Երիցյանին, բացարձակ կապ չեմ ունեցել: Այդ ամենը քաղաքականացնելու համար է»:

Մենք ճշտեցինք՝ դուք պնդում եք, որ մեղավո՞ր չեք եւ չե՞ք ուզեցել խաբեությամբ այդ գումարները գրպանել՝ Աշոտ Սուքիասյանը պատասխանեց. «Իհարկե: Ես, միեւնույն է, այստեղ, թե դրսում գնալու եմ արդարացման»:Հարցին՝ Մարդու իրավունքների եվրոպական դատարա՞ն եք հասնելու՝ Սուքիասյանը պատասխանեց. «Այո, ես վստահ եմ, եթե այստեղ չարդարացնեն, գնալու եմ ՄԻԵԴ»:

Հարցին՝ Հայաստանի արդարադատությանը չե՞ք հավատում՝ նա պատասխանեց. «Հավատում եմ, եթե չհավատայի, չէի գա, ես ինքս եմ եկել»:

Հռիփսիմե ՋԵԲԵՋՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Օգոստոս 2017
Երկ Երե Չոր Հնգ Ուրբ Շաբ Կիր
« Հուլ   Սեպ »
 123456
78910111213
14151617181920
21222324252627
28293031