Լրահոս
Օրվա լրահոսը

Բլուրից սայթաքել ու ընկել էր ականապատ տարածքի վրա. Գուսանագյուղը հրաժեշտ է տալիս 19-ամյա զինվորին

Սեպտեմբեր 03,2017 12:18

Այսօր կհուղարկավորեն սեպտեմբերի 1-ին Ասկերանում ականապայթյունային մահացու վիրավորում ստացած ՊԲ զինծառայող, 1998թ. ծնված Հայկ Գագիկի Խաչատրյանին։ Նա Շիրակի մարզի Անիի տարածաշրջանի Գուսանագյուղ համայնքի բնակիչ է։

Գյուղապետ Վասակ Դարբինյանը Aravot.am-ի հետ զրույցում ասաց, որ Հայկը 8 ամիս է՝ ծառայում էր, 5 ամիս ու կես Արտաշատում է եղել, այնուհետ տեղափոխվել Ասկերան։ Դժբախտ դեպքը տեղի է ունեցել մարտական ծառայության ժամանակ։ Հայկը եղել է կապավոր։ Ըստ գյուղապետի, մարտական առաջադրանքը կատարելու ժամանակ բարձրացել է բլուր, որից էլ պատահականորեն սայթաքել ու ընկել է ականապատ տարածք՝ տեղում մահանալով։ Ըստ գյուղապետի, երբ նա բլուր է բարձրացել, մարտական ընկերներից մեկը նախազգուշացրել է իջնել, քանի որ կարող է դառնալ թշնամու դիպուկահարի զոհ, նա էլ շրջադարձ է կատարել ներքև իջնելու, սայթաքել ու ընկել է մինապատ տարածքը։

Հայկը տան ավագ որդին էր, նա ունի երկու եղբայրներ, գյուղապետն ասում է, որ միջնեկ եղբայրը ձմռանը բանակ կգնա, իսկ փոքր եղբայրը դպրոցական է։

Նունե ԱՐԵՎՇԱՏՅԱՆ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Սեպտեմբեր 2017
Երկ Երե Չոր Հնգ Ուրբ Շաբ Կիր
« Օգո   Հոկ »
 123
45678910
11121314151617
18192021222324
252627282930