Երվանդ Ղազանչյան. «Վստահ եմ, որ Հակոբը օգտակար կլինի մեր թատրոնին»

Երվանդ Ղազանչյան. «Վստահ եմ, որ Հակոբը օգտակար կլինի մեր թատրոնին»

Վերջին ամիսներին շրջանառվող լուրը, թե շուրջ 20 տարի հանդիսանալով Երեւանի քաղաքապետարանի Պատանի հանդիսատեսի պետական թատրոնի գեղարվեստական ղեկավարը, Հակոբ Ղազանչյանը ստեղծագործական գործունեությունը կշարունակի Հակոբ Պարոնյանի անվան երաժշտական կոմեդիայի պետական թատրոնում իբրեւ գլխավոր ռեժիսոր, իրողություն դարձավ: Այս մասին սեպտեմբերի 8-ին հրավիրված Կոմեդիայի թատրոնի կոլեկտիվի ժողովում պաշտոնապես հայտարարեց թատրոնի տնօրեն Կարո Շահբազյանը:

Տեղեկացնենք, որ Հակոբ Ղազանչյանը մինչ Պատանի հանդիսատեսի թատրոնում ղեկավար պաշտոնի անցնելը աշխատել է նաեւ Կապանի եւ Գյումրիի թատրոններում, բեմադրություններ է իրականացրել Ռուսաստանի, Լեհաստանի, Ռումինիայի, Չեխիայի եւ այլ երկրների մշակութային օջախներում:

Aravot.am-ի հարցին՝ ինչպե՞ս եք պատկերացնում ձեր` հայր եւ որդու ստեղծագործական կյանքը նույն թատրոնում, Հակոբ Պարոնյանի անվան կոմեդիայի թատրոնի գեղարվեստական ղեկավար Երվանդ Ղազանչյանը հակիրճ պատասխանեց. «Վստահ եմ, որ Հակոբը օգտակար կլինի մեր թատրոնին»:

Սամվել ԴԱՆԻԵԼՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

 
Առցանց Առավոտի լուրերին facebook-ով բաժանորդագրվելու համար սեղմեք