«Համոզված չեմ, որ հանրաքվեին կհետեւեն իրական քայլեր: Նախանշաններ կան, որ Իրաքի Քուրդիստանի ինքնավար շրջանի ղեկավարությունը նպատակ ունի հանրաքվեն օգտագործել իր քաղաքական նպատակների համար, ոչ թե միանգամից սկսել անկախացման գործընթաց»,-«Հայելի» մամուլի ակումբում այսօր անդրադառնալով Իրաքյան Քուրդիստանում սեպտեմբերի 25-ին սպասվելիք անկախության հանրաքվեին, ասաց թուրքագետ, արեւելագետ Ռուբեն Սաֆրաստյանը:
«Նրանց առաջնահերթ խնդիրն է՝ հասնել նրան, որ միջազգային հանրությունն ու գերտերությունները համակերպվեն անկախ Քուրդիստանի ապագա գոյության հետ: Շատ երկրներ հայտարարել են, որ դեմ են Քրդստանի անկախացմանը»,-հավելեց նա:
Փորձագետի բնորոշմամբ՝ անկախության հանրաքվեն պատմական արդարության վերականգման խնդիր է լուծելու. քրդերը պետք է ունենան անկախ պետականություն: «Կարծում եմ՝ ՀՀ-ի եւ Քրդստանում բնակվող հայերի համար սա անմիջական վտանգ չի ներկայացնում: Խոսակցություններ կան, որ հայերենը լինելու է Քուրդիստանի պաշտոնական լեզուներից մեկը»,-նշեց Սաֆրաստյանը:
Լուիզա ՍՈՒՔԻԱՍՅԱՆ
Իրաքը մասնատելն ու Քուրդիսան անվան տակ իսրայելական գեոպոլիտիկ պրոեկտ ստեղծելը ինչ հիմունքներով է համարվում պատմական արդարության վերականգնում, այնքան էլ հասկանալի չէ: Այդ պատմական արդարությունում ինչու տեղ չունեն շիա ֆիլիյե քրդերը, նույնպես պարզ չէ: Բարզանին, հայտնի է, որ աջակցում է տեռորիստական դաիշ խմբավորմանը, փեշմերգան լրիվությամբ իսրայելական է: