Լրահոս
Օրվա լրահոսը

«Հայ կանանց ճակատի» անդամին բերման ենթարկվելուց «փրկել են» սփյուռքահայերը

Սեպտեմբեր 19,2017 21:40

«Հայ կանանց ճակատ» շարժման անդամները քիչ առաջ ավարտեցին Կարեն Դեմիրճյանի անվան մարզահամերգային համալիրի դիմաց իրենց ակցիան: Շարժման անդամ Սյուզան Սիմոնյանը Aravot.am-հայտնեց, որ թեեւ համալիրում ընթացող համերգի հրավիրատոմս ուներ, բայց ոստիկաններն իրեն թույլ չտվեցին ներս մտնել ու մասնակցել համերգին՝ ճանաչելով իրեն:

«Դիմացս փակեցին ոստիկանները ու թույլ չտվեցին համերգին մասնակցեմ: Ես էլ այնտեղ ակցիա սկսեցի, սփյուռքահայերը գալիս էին, ես գոռում էի, որ երկրում քաղբանտարկյալներ կան ու սփյուռքահայեր են: Դա գոռում էի ե՛ւ անգլերենով, ե՛ւ հայերենով: Համերգին մասնակցող սփյուռքահայերը բավականին իրազեկվեցին, ոստիկաններն էլ գազազեցին, կարմիր բերետավորները հավաքվեցին, որ ինձ տանեն, երկու անգամ հրահանգ եղավ, որ ինձ նստեցնեն մեքենան, տանեն: Այնտեղ հավաքված սփյուռքահայեր կային, ես գոռացի, խնդրեցի, որ չգնան՝ ասելով, որ եթե գնան, ինձ կտանեն: Նրանք կանգնեցին, սպասեցին, չհեռացան…այս անգամ ոստիկանները չհամարձակվեցին բռնի գործողություններ անել, որովհետեւ արդեն չէին կարող ասել, որ ռումբ է տեղադրված, մի անգամ արդեն այսօր ծիծաղելի վիճակում հայտնվել են»,- ասաց Սյուզան Սիմոնյանը:

Արփինե ՍԻՄՈՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Ամենաընթերցված

Օրացույց
Սեպտեմբեր 2017
Երկ Երե Չոր Հնգ Ուրբ Շաբ Կիր
« Օգո   Հոկ »
 123
45678910
11121314151617
18192021222324
252627282930