Ազգային վիճակագրական ծառայությունը նման հարցում էր անցկացրել՝ պարզելու համար, թե ՀՀ քաղաքացիների կարծիքով՝ որքա՞ն գումար է անհրաժեշտ լավ ապրելու կամ ծայրը ծայրին հասցնելու համար։
Հարցման միջինացված արդյունքներն այսպիսին էին՝ Հայաստանում շատ լավ ապրելու համար 1 շնչի հաշվով եկամուտը պետք է լինի 568 հազար դրամ, լավ ապրելու համար՝ 251 հազար դրամ, գոյատևելու համար՝ 96 հազար դրամ։
Այսինքն, որպեսզի 4 հոգանոց ընտանիքը կարողանա ծայրը ծայրին հասցնել, այդ ընտանիքի ամսական եկամուտը պետք է լինի մոտ 384 հազար դրամ։ Սա էլ նշանակում է, որ, եթե ամուսիններն աշխատում են, նրանցից յուրաքանչյուրի աշխատավարձը պետք է լինի 192 հազար դրամի սահմաններում։
Պաշտոնական վիճակագրության ամենաթարմ տվյալներով՝ Հայաստանում միջին ամսական անվանական աշխատավարձն այս տարվա օգոստոսին կազմել է հենց 192 հազար դրամ։ Այդ թվում՝ մասնավոր հատվածում՝ 225,3 հազար դրամ, պետականում՝ 163,5 հազար։ Այսինքն՝ պետական հատվածի միջին աշխատավարձը բավարար չէ անգամ յոլա գնալու համար։
Ավելին, որոշ ոլորտներում (օրինակ՝ կրթության) միջին աշխատավարձը շատ ավելի ցածր է։
Կարելի՞ է սա անվանել «գործ»։ Ոմանց կարծիքով՝ այո, ոմանց կարծիքով՝ ոչ։
Բաբկեն ԹՈՒՆՅԱՆ
Հոդվածն ամբողջությամբ կարող եք կարդալ «168 ժամ» թերթի այսօրվա համարում
