Լրահոս
Օրվա լրահոսը

ԵՊԲՀ ռեկտորը ապրիլյան պատերազմում վիրավորված հայորդիներին. «Խոնարհվում եմ ձեր եւ հայ բոլոր զինվորների առջեւ»

Սեպտեմբեր 21,2017 23:57

ԵՊԲՀ ռեկտոր Արմեն Մուրադյանն այսօր թիվ 1 համալսարանական հիվանդանոցում Անկախության տարեդարձի առիթով շնորհավորելով այստեղ բուժում ստացող ապրիլյան պատերազմում վիրավորված զինվորներին՝ նշեց. «Այսօր մեր ամենաարժանապատիվ տոնն է: Այն խորհրդանշում է, որ ժողովուրդը վերականգնել է իր պետականությունը, որ մենք կարող ենք աշխատել մեր հայրենիքում, սիրել այն, պաշտպանել ու արժանապատվորեն աշխարհին ներկայանալ մեր հաջողություններով:

Մերօրյա սիրելի հերոսներ, այսօր այստեղ են նաեւ բժիշկները, որոնք ցանկություն են հայտնել տարվա մեկ օրը նվիրել այստեղ հիմնադրվող վերականգնողական կենտրոնի հնարավորությունները շատացնելուն: Մենք կոչ ենք անում նաեւ մեր բոլոր՝ ութ հազար շրջանավարտներին, որոնք աշխատում են 40 երկրներում: Եթե նրանք էլ համախմբվեն եւ իրենց մեկ օրը տրամադրեն այս նախաձեռնությանը, դա ոչ միայն կենտրոնը օր առաջ շահագործելու ֆինանսական հնարավորություն կլինի, այլեւ համախմբվածության հիանալի օրինակ, ինչը խիստ անհրաժեշտ է բոլորիս, առավել եւս մեր հերոսներին: Շնորհավորում եմ ձեզ, բոլորիս՝ Անկախության տոնի առիթով եւ գլուխ խոնարհում ձեր, ի դեմս ձեզ, բոլոր զինվորների առջեւ»:

Աշոտ ՀԱԿՈԲՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Սեպտեմբեր 2017
Երկ Երե Չոր Հնգ Ուրբ Շաբ Կիր
« Օգո   Հոկ »
 123
45678910
11121314151617
18192021222324
252627282930