Լրահոս
Օրվա լրահոսը

Մարզամշակութային միջոցառումներ` Ստեփանակերտի օրվա առթիվ

Սեպտեմբեր 23,2017 14:56

Այսօր` Ստեփանակերտ քաղաքի օրվա կապակցությամբ, առավոտից մայրաքաղաքի Վերածննդի հրապարակում և Ստեփան Շահումյանի անվան օղակաձև այգում անց են կացվել տարբեր մշակութային ու մարզական միջոցառումներ և ձեռագործ իրերի, կտավների, արցախյան գորգերի ցուցահանդես-վաճառք:

Այդ ընթացքում նախագահ Բակո Սահակյանի գլխավորությամբ` Արցախի բարձրաստիճան պաշտոնյաները, Երևանի քաղաքապետարանի պատվիրակության հետ միասին, ծաղիկներ են խոնարհել Ստեփան Շահումյանի հուշարձանի պատվանդանին, ապա շրջել և ծանոթացել ցուցահանդեսին:

Երևանի քաղաքապետարանի պատվիրակության ղեկավար, Երևանի քաղաքապետի տեղակալ Դավիթ Օհանյանը լրագրողների հետ զրույցում Երևանի քաղաքապետ Տարոն Մարգարյանի և բոլոր երևանցիների անունից նախ շնորհավորեց ստեփանակերտցիներին օրվա առթիվ` մաղթելով խաղաղություն և ավելի հարմարավետ ու ավելի գեղեցիկ Ստեփանակերտ:

«Դեռևս 2012 թվականին Երևանի և Ստեփանակերտի քաղաքապետերի միջև ստորագրված հուշագիրը հենց այդ օրվանից վերածվեց ընկերության և բարեկամության: Մենք միայն չբավարարվեցինք հուշագրով և այս տարիների ընթացքում փորձել ենք համատեղ այցերով և համատեղ ծրագրերով էլ ավելի խորացնել մեր բարեկամական հարաբերությունները տարբեր բնագավառներում»,- նշեց Երևանի քաղաքապետի տեղակալը:

Իր խոսքում Դավիթ Օհանյանը նաև նշեց, որ այցելել է Երևանի քաղաքապետարանի կողմից Ստեփանակերտում կառուցվող Ազատամարտիկների այգի, ծանոթացել շինարարական աշխատանքների ընթացքին, և ամենայն հավանականությամբ հաջորդ տարի գարնանը այն պատրաստ կհանձնվի ստեփանակերտցիներին:

Դավիթ ԱԲԱՂՅԱՆ

 

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Սեպտեմբեր 2017
Երկ Երե Չոր Հնգ Ուրբ Շաբ Կիր
« Օգո   Հոկ »
 123
45678910
11121314151617
18192021222324
252627282930