Լրահոս
Օրվա լրահոսը

Նոյեմբերյանցի «Պուտինը» չմիացավ Զարուհի Փոստանջյանի հեղափոխությանը (Տեսանյութ)

Սեպտեմբեր 23,2017 23:23

Այսօր`սեպտեմբերի 23-ին Զարուhի Փոստանջյանը Տավուշի մարզի Նոյեմբերյան քաղաքի կենտրոնում անցել է խանութից խանութ, խանութատերերին հայտնել, որ առաջիկայում լինելու է համազգային ընդվզման օր, որի ժամանակ Հայաստանում եւ սփյուռքում մարդիկ դեմ են դուրս գալու Հայաստանի իշխանություններին:

Սահմանամերձ Նոյեմբերյան քաղաքով ձգվող միջպետական ավտոճանապարհի եզրին գտնվող խանութների տերերը քաղաքավարի, բայց զգուշավորությամբ են ընդունել Զ. Փոստանջյանի հեղափոխական կոչը:

Ուշագրավ է Նոյեմբերյանի Երեւանյան փողոցում գտնվող մսի վաճառակետի տեր Գեւորգ Ամիրաղյանի վերաբերմունքը: Վերջինս Նոյեմբերյան քաղաքի աղբահանություն կատարող քաղաքային տնտեսության նախկին տնօրեն Աշոտ Ամիրաղյանի որդին է: Աշոտ Ամիրաղյանն 2016թ. ազատվել է այդ պաշտոնից: Գեւորգ Ամիրաղյանը պատանի հասակում շատ նիհար էր, տեսքով շատ նման էր ՌԴ նախագահ Վլադիմիր Պուտինին, նրան նոյեմբերյանցիները Պուտին են կոչում:

Փոստանջյանը նրան հարցրել է, թե ինչպես է առեւտուրը, չի դժգոհո՞ւմ : Նա ասել է, որ չի բողոքում: Զ. Փոստանջյանը հայտնել է, որ ընդվզման օր են նախապատրաստում, ինչին «Պուտինը» արձագանքել է. «Ես իմ գործի տերն եմ, ով էլ որ լինի,ոնց էլ որ լինի…»:

Ոսկան ՍԱՐԳՍՅԱՆ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Սեպտեմբեր 2017
Երկ Երե Չոր Հնգ Ուրբ Շաբ Կիր
« Օգո   Հոկ »
 123
45678910
11121314151617
18192021222324
252627282930