Լրահոս
Օրվա լրահոսը

Բյուջեի 10%-ը՝ պետական պարտքի սպասարկմանը. «168 ժամ»

Սեպտեմբեր 30,2017 10:12
byuje

2018 թվականին ՀՀ պետական պարտքի սպասարկմանը կուղղվի 140.5 մլրդ դրամ, որից 62.4 մլրդ դրամը ներքին տոկոսավճարներ են, 78.1 մլրդ դրամը՝ արտաքին։ Այս մասին նշված է 2018 թվականի պետական բյուջեի մասին օրենքի նախագծում։ Նշենք, որ 2018 թվականի բյուջեի ծախսային մասը 1 տրլն 464.2 մլրդ դրամ է։ Այսինքն, մեր բյուջետային ծախսերի 10%-ն ուղղվելու է պետական պարտքի սպասարկմանը։ Համեմատության համար նշենք, որ 2017 թվականի բյուջեով պետական պարտքի տոկոսավճարների գծով նախատեսվում էր 120.3 մլրդ դրամ։

Այսինքն, պետական պարտքի սպասարկման բեռը 20 մլրդ դրամով ավելացել է։ Սա զարմանալի չէ։ Ընդ որում, առաջիկա տարիներին այդ բեռն է՛լ ավելի է ծանրանալու, որովհետև մի կողմից՝ նախկինում վերցված վարկերի արտոնյալ ժամկետները սպառվում են, և արդեն ստիպված ենք տոկոսավճարներ մուծել։ Մյուս կողմից՝ կառավարությունը շարունակում է ավելացնել պետական պարտքը. ըստ բյուջետային ուղերձի՝ պետական պարտքն այս տարվա վերջին կհասնի 6.8 մլրդ դոլարի, իսկ 2018 թվականի վերջին՝ 7.2 մլրդ դոլարի։

Սակայն կառավարությունը պնդում է, որ անհանգստանալու կարիք չկա։ Նախ, մի կողմից՝ տնտեսական աճի տեմպն է արագանալու։ Մյուս կողմից՝ ստվերի կրճատման և վարչարարության բարելավման հաշվին բյուջեի եկամուտներն ավելանալու են, և պետական պարտքը սպասարկելու խնդիրներ չեն առաջանա։ Պարտքի հարցով, հնարավոր է, խնդիրներ չառաջանան։ Սակայն մյուս կողմից՝ դրա պատճառով է, որ, օրինակ, թոշակները հաջորդ տարի էլ չեն ավելանալու։

Բաբկեն ԹՈՒՆՅԱՆ

Հոդվածն ամբողջությամբ կարող եք կարդալ «168 ժամ» թերթի այսօրվա համարում

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Սեպտեմբեր 2017
Երկ Երե Չոր Հնգ Ուրբ Շաբ Կիր
« Օգո   Հոկ »
 123
45678910
11121314151617
18192021222324
252627282930