Ավան եւ Նոր-Նորքի դատարանում դատավոր Արմեն Վարդապետյանն այսօր հրապարակեց Հովհաննես Ղազարյանի դատավճիռը: Վերջինիս մեղադրանք էր առաջադրվել 2017 թ. ապրիլի 2-ին ՀՀ Ազգային ժողովի ընտրություններում նույն ընտրական տեղամասում երկրորդ անգամ քվեարկելու փորձ կատարելու համար:
Արագացված դատաքննության ընթացակարգով անցած դատական նիստից հետո դատարանը վճռեց Հովհաննես Ղազարյանին ճանաչել մեղավոր եւ դատապարտել երկու տարվա ազատազրկման՝ պետական, տեղական ինքնակառավարման մարմիններում որեւէ պաշտոն զբաղեցնելու, ինչպես նաեւ ընտրական հանձնաժողովների անդամ, վստահված անձ կամ դիտորդ լինելու իրավունքից զրկելով երկու տարի ժամկետով: ՀՀ ՔՕ 78 հոդվածի կիրառմամբ՝ որոշվեց նշված ազատազրկման պատիժը պայմանականորեն չկիրառել՝ սահմանելով փորձաշրջան երեք տարի ժամկետով:
Աշոտ ՀԱԿՈԲՅԱՆ