Լրահոս
Օրվա լրահոսը

Կառավարությունը հավանություն է տվել ՀԱԷԿ-ի առաջին էներգաբլոկը շահագործումից հանելու վերաբերյալ օրենքի նախագծին

Հոկտեմբեր 12,2017 16:48

Հոկտեմբերի 12-ին կայացած նիստում կառավարությունը հավանություն է տվել «Հայկական ատոմային էլեկտրակայան» փակ բաժնետիրական ընկերության առաջին էներգաբլոկը շահագործումից հանելու վերաբերյալ օրենսդրական նախաձեռնությանը, որը նախատեսված կարգով կներկայացվի ՀՀ Ազգային ժողով: ՀԱԷԿ-ի առաջին էներգաբլոկը 1989 թվականի փետրվարից գտնվում է երկարատև կանգառի ռեժիմում:

Ներկայացնելով օրենքի նախագիծը ՀՀ էներգետիկ ենթակառուցվածքների և բնական պաշարների նախարար Աշոտ Մանուկյանը նշել է. «Առաջին էներգաբլոկը, դե յուրե գտնվելով շահագործման մեջ, դե ֆակտո չի շահագործվում, որովհետև անվտանգության ու հուսալիության տեսանկյունից դրա շահագործումը նպատակահարմար չէ: Սակայն առաջին էներգաբլոկը հնարավորություն ունի դոնոր լինել երկրորդ էներգաբլոկի համար»։

Հիշեցնենք, որ դեռևս 2007թ. կառավարությունը հաստատել է «Հայկական ատոմային էլեկտրակայանը շահագործումից հանելու ռազմավարությունը», որով առաջարկվում է «Հաջորդական ապամոնտաժման» տարբերակը։ Այն նախատեսվում է իրականացնել 40 տարվա ընթացքում:

 

ՀՀ էներգետիկ ենթակառուցվածքների և բնական պաշարների նախարարություն

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հոկտեմբեր 2017
Երկ Երե Չոր Հնգ Ուրբ Շաբ Կիր
« Սեպ   Նոյ »
 1
2345678
9101112131415
16171819202122
23242526272829
3031