Սպիտակ լոշտակը դդմազգիների ընտանիքին պատկանող բազմամյա խոտաբույս է, որն օժտված է ցավազրկող, միզամուղ, արյունակարգ, հակառեւմատիկ եւ վերքերը վերականգնող ազդեցությամբ: Կիրառվում է տարաբնույթ այտուցների, սրտի շրջանի ցավերի, էպիլեպսիայի, կաթվածի, պոլիարթրիտների, միջկողային նեւրալիաների՝ նյարդային ծագման ցավերի, շաքարային դիաբետի, փորկապության ժամանակ: Ոգեթուրմը կիրառվում է որպես ցավազրկող միջոց միգրենի, կաթվածի ժամանակ: Արմատների փոշին օգտագործում են գորտնուկների, պիգմենտների հեռացման համար, ինչպես նաեւ հոդային ռեւմատիզմի ժամանակ՝ արեւախաղկի յուղի հետ խառնած:
Պոդագրայի՝ հոդատապի, ռեւմատիզմի ժամանակ 10 գրամ մանրացված արմատներին ավելացնել 1 բաժակ ջուր, եռացնել 10 րոպե, սառեցնել, քամել: Ընդունել 1 ճաշի գդալ՝ օրը 3 անգամ՝ ուտելուց առաջ:
Ռեւմատիզմի դեպքում արտաքին կիրառման համար արմատը մանրացնել՝ աղալ, մինչեւ մանրագույն փոշի դառնալը, 1 թեյի գդալը խառնել 100 միլիգրամ արեւածաղկի յուղին: Քսել հոդերին:
Հոդերի քրոնիկական բորբոքման դեպքում 10 գրամ մանրացված արմատներին ավելացնել 100 միլիլիտր 40 տոկոսանոց օղի, թրմել մութ տեղում 14 օր, քամել: Ընդունել 10 կաթիլ՝ օրը 3 անգամ: Կարելի է կիրառել նաեւ արտաքին՝ որպես վերքերը լավացնող միջոց:
Պետք է իմանալ, որ սպիտակ լոշտակը շատ թունավոր խոտաբույս է: Օգտագործել միայն բժշկի ցուցումներով:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
14.10.2017
