Լոռու մարզի Դսեղ համայնքի՝ 7-րդ դարով թվագրվող Սուրբ Գրիգոր Լուսավորիչ եկեղեցու զանգակատունը, որը Խորհրդային տարիներին քանդվել էր, այժմ վերականգվում է: Այս մասին Aravot.am-ին հայտնեց Դսեղի հոգեւոր հովիվ Տեր Գրիգորիս քահանա Դերմենջյանը: «Տեւական փնտրտուքներից հետո գտնվեց մի նկար, որից պարզ էր՝ եկեղեցին ունեցել է զանգակատուն»,-նկատեց նա:
Տեր Գրիգորիսը պատմեց, որ հնամենի եկեղեցին ներկայիս տեսքը ստացել է 1900թ.-ին. «Հայաստանի շատ եկեղեցիների պես, այս եկեղեցին էլ այդ ժամանակ եղել է պահեստ, թատրոն, նաեւ՝ ազգագրական թանգարան: Միայն 1999թ.-ին թանգարանի նյութերը տեղափոխվեցին Հովհաննես Թումանյանի տուն-թանգարան, եկեղեցին էլ վերականգնվեց եւ սկսեց գործել»:
Տեր Գրիգորիսի խոսքով՝ թեեւ դեռեւս դժվար է համայնքային կյանքը դեպի հոգեւոր զարթոնք առաջնորդել, եկեղեցին այդ հարցում մեծ նշանակություն ունի:
Մանրամասն՝ տեսանյութում:
Լուիզա ՍՈՒՔԻԱՍՅԱՆ
