«Հայաստանը մշտապես կողմնակից է եղել բացառապես խաղաղ, բանակցային ճանապարհով հիմնախնդրի կարգավորմանը և այդ համատեքստում նախապայման չի դրել»,- Aravot.am-ի հետ զրույցում ասաց ՀՀ ԱԺ փոխնախագահ Էդուարդ Շարմազանովը`պատասխանելով ադրբեջանցի պատգամավորին:
Հիշեցնենք, ադրբեջանական լրատվամիջոցներին տված հարցազրույցում ԵԽԽՎ-ում ադրբեջանական պատվիրակության ղեկավար Սամեդ Սեիդովն անդրադառնալով Շվեյցարիայում կայացած Սերժ Սարգսյան- Իլհամ Ալիեւ հանդիպմանն ասել է, որ Հայաստանը բանակցությունների է գնացել`հրաժարվելով նախապայմաններից:
«Բայց դա չի նշանակում, որ նախագահների մակարդակով եռանախագահող երկրների բարձրագույն ներկայացուցիչների ներկայությամբ բազմիցս ձեռք բերված պայմանավորվածությունները պետք է շարունակաբար չկատարել, առավել ևս անտեղի է այդ համաձայնությունները ներկայացնել որպես հայկական կողմի նախապայմաններ»,- ասաց ԱԺ փոխնախագահը:
Նելլի ԳՐԻԳՈՐՅԱՆ
