Դավիթ Հովհաննիսյանը՝ ծանրամարտի Եվրոպայի երիտասարդների արծաթե մեդալակիր

Դավիթ Հովհաննիսյանը՝ ծանրամարտի Եվրոպայի երիտասարդների արծաթե մեդալակիր

Ալբանիայի Դուրրես քաղաքում շարունակվում է ծանրամարտի Եվրոպայի երիտասարդական (մինչեւ 20 եւ 23 տարեկաններ) առաջնությունը:

Այսօր Հայաստանից պայքարի մեջ մտան 85 կգ քաշայիններ Դավիթ Հովհաննիսյանն ու Կարեն Ավագյանը: Նրանք հանդես եկան մինչեւ 20 տարեկանների խմբում:

Երկամարտի 343 կիլոգրամ ցուցանիշով Դավիթ Հովհաննիսյանը նվաճեց արծաթե մեդալ: Նա երկրորդն էր նաեւ պոկում վարժությունում (158 կգ), իսկ հրումում (185 կգ)՝ չորրորդը::

Կարեն Ավագյանն առաջին մրցաձեւում 156 կգ արդյունքով արժանացավ փոքր բրոնզի, հրումում 183 կիլոգրամով դարձավ վեցերորդը, իսկ երկամարտում ցույց տվեց 339 կիլոգրամ՝ բավարարվելով չորրորդ հորիզոնականով:

Աշոտ ՀԱԿՈԲՅԱՆ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

 
Առցանց Առավոտի լուրերին facebook-ով բաժանորդագրվելու համար սեղմեք