Նոյեմբերի 5-ին տեղի կունենան Տավուշի մարզի խոշորացված Բերդ համայնքի ղեկավարի եւ ավագանու, Աչաջուր համայնքի ղեկավարի, Ենոքավան եւ Այգեհովիտ համայնքների ավագանու ընտրություններ: Բերդի համայնքապետի 4 թեկնածուներից երկուսը՝ Բերդի գործող քաղաքապետ Հարություն Մանուչարյանը եւ Արծվաբերդի անտառտնտեսության տնօրեն Ավետիք Ադամյանը ՀՀԿ անդամ են, երկուսը` Արծվաբերդի եւ Այգեձորի համայնքապետեր Կարեն Շահնազարյանը եւ Սասուն Սաֆարյանը՝ անկուսակցական: Աչաջուր համայնքի ղեկավարի 4 թեկնածուներից 3-ը`Աչաջուր համայնքի գործող ղեկավար Կամո Ղալթախչյանը, Աչաջրի նախկին գյուղապետ Տաթեւ Գասպարյանը, «Կարեն Ղալթախչյան» ԱՁ ղեկավար Կարեն Ղալթախչյանը ՀՀԿ անդամ են, 4-րդ թեկնածուն`Սեւադա Ղուկասյանը`ՀՅԴ անդամ:
Խոշորացված Բերդ համայնքի ավագանու 15 տեղի համար գրանցված է 39 թեկնածու, որոնցից 22-ն անկուսակցական է, 9-ը ՝ ՀՀԿ անդամ ,3-ը՝ ՀՅԴ, 3-ը՝ ԲՀԿ, 2-ը՝ «Հայկական վերածնունդ» կուսակցության անդամ: Բերդի ավագանու բոլոր թեկնածուներն առաջադրվել են ինքնաառաջադրմամբ:
Իջեւանի տարածաշրջանի սահմանամերձ Այգեհովիտ համայնքի ավագանու 9 տեղի համար գրանցված է 9 թեկնածու, որից 5-ը ՀՀԿ անդամ է, 4-ը`անկուսակցական: Իջեւանի տարածաշրջանի Ենոքավան համայնքի ավագանու 5 տեղի համար գրանցված է 10 թեկնածու, որից 5-ն անկուսակցական է, 4-ը`ՀՀԿ անդամ, մեկը` «Հայկական վերածնունդ» կուսակցության անդամ:
Ոսկան ՍԱՐԳՍՅԱՆ
Սևադան դաշնակների խամաճիկն է, փոքրիկ, միշտ գործում է գաղտնի, պատվերով և դրանից ի՞նչ գյուղապետ.