«Դժբախտաբար այս կրակոցով Ադրբեջանը ցույց տվեց իր գործի ու խոսքի անհամապատասխանությունը, ցույց տվեց, որ չի հարգում իր կողմից ընդունված միջազգային պարտավորությունները»,- այսօր ՀՀԿ գործադիր մարմնի նիստից հետո լրագրողներին ասաց ՀՀԿ խոսնակ Էդուարդ Շարմազանովը՝ անդրադառնալով այսօր Արցախում հակառակորդի կրակոցից զինծառայողի մահվան դեպքին:
Ըստ նրա՝ Ադրբեջանը ցույց է տալիս, որ սա կրակոց է ոչ միայն հայաստանյան կողմին, այլեւ կրակոց է Ժնեւյան պայմանավորվածություններին. «Ես կարծում եմ՝ գոնե հիմա միջազգային հանրությունից պետք է արձագանք լինի ուղիղ ու հստակ»:
Պարոն Շարմազանովը որոշակի մանրամասներ հայտնեց նաեւ գործադիր մարմնի նիստից՝ ասելով, որ քննարկել են առաջիկա շաբաթվա ընթացքում ԱԺ նստաշրջանի անելիքները, տարբեր պատվիրակությունների աշխատանքը տարբեր խորհրդաժողովներում:
Արփինե ՍԻՄՈՆՅԱՆ
«Դժբախտաբար այս կրակոցով Ադրբեջանը ցույց տվեց իր գործի ու խոսքի անհամապատասխանությունը, ցույց տվեց, որ չի հարգում իր կողմից ընդունված միջազգային պարտավորությունները»,-
Հարգելի պարոն քաղաքագետ միթէ քանի հարյուր անգամ պիտի փաստվի ձեր ասածը. միթէ այդ զոհված երիտասարդը հայ զինվոր չեր. ինչու այդքան անտարբեր էք զինվորների կեանքի նկատմամբ . միթէ քանի միլիոն զինվոր ունենք. ինչու հայ ժողովուրդն անգամ չի հովանավորում իր զինվորին. լռությունը անպատասխանատվություն է իսկ այն տգիտության հետեվանք է.
«Ես կարծում եմ՝ գոնե հիմա միջազգային հանրությունից պետք է արձագանք լինի ուղիղ ու հստակ»:
ով հոյսը դնի « միջազգային հանրության» վրա չարաչար պարտված է.