«Ես ապօրինի քրեական հետապնդման եմ ենթարկվել, կասկածի տակ է առնվել իմ բարոյականությունը, փորձաքննություն եմ անցել»,- ասաց ամբաստանյալը՝ հուզվելով:
Բնակարան գնելուց հետո Արփինե Մայսուրյանի նկատմամբ իրականացվել էր քրեական հետապնդում եւ նա առաջին ատյանի դատարանի կողմից դատապարտվել էր 5 տարվա ազատազրկման: Երեկ վերաքննիչ դատարանում իր բողոքը ներկայացրեց Ա. Մայսուրյանը. «Գնել եմ բնակարան 2010թ. սեպտեմբերի 11-ին, որի առքուվաճառքի օրինականությունը հաստատող 15 փաստաթուղթ ունեմ, այդ թվում՝ Ազգային փորձաքննության բյուրոյով անցած ու օրինականությունը հաստատված ստացական, հայտարարություն, առքուվաճառքի՝ նոտարով հաստատված պայմանագիր, բնակարանը վաճառած Զ. Պողոսյանի ձեռագրով գրված՝ թե ստացել է ամբողջ գումարը, որոնք ապացուցում են առքուվաճառքի օրինականությունը: Իսկ ի՞նչ ունեն «տուժող» կողմը եւ «մեղադրող» կողմը, ոչինչ, բացի կեղծ վկայություններից եւ շինծու մեղադրականից»:
Թե ինչու վերաքննիչ դատարանում նախազգուշացվեց ամբաստանյալը եւ դատական նիստի այլ մանրամասներ՝ կարդացեք վաղվա «Առավոտում»:
Ռ. Մ.
«Առավոտ»
19.10.2017
