Զրուցեցինք ջրերի շուկայում նոր-նոր մուտք գործող «Ակվա Արմենիա» ընկերության հիմնադիր Դավիթ Ներսիսյանի հետ, որն իր փորձից ելնելով ներկայացնում է, թե ինչպիսի դժվարություններ կան դաշտում, եւ որ ընկերությունների հետ ինչպես են մրցակցում։
Ինչ վերաբերում է իր փորձին՝ մաքուր ու գազավորված ջրեր արտադրող ընկերությունների հետ մրցակցության մասով, «Ակվա Արմենիայի» ղեկավարն ասաց. «Ենթադրենք, եթե այսինչ խանութում «Բյուրեղ» կա, դժվար է էդտեղ մտցնել իմ ապրանքը, հա, կա դժվարություն, բայց դա ոչ թե նրա համար, որ Արսենյան Աշոտն ասել է՝ ուրիշ ջուր վերցնեք, ոտքերդ կջարդեմ, այլ պատճառն այն է, որ «Բյուրեղը» 15 տարվա բրենդ է այս շուկայում, ու շատ դժվար է նոր բրենդին համոզել, որ քո ջուրը լավն է։ Դրա համար այստեղ քեզ մեծ համբերություն է պետք»։
Երիտասարդ գործարարը, սակայն, չբացառեց, որ «Բյուրեղի» կամ մյուսների կողմից որոշակի ճնշումներ կան տնտեսվարողների վրա, որ միայն իրենցից ջուր վերցնեն։ Օրինակ՝ խոստանում են կտրել տվյալ սննդի օբյեկտին տրամադրվող արտոնյալ զեղչը, եթե նա համարձակվի այլ ընկերության ջուր եւս վերցնել։ Կարող են անգամ վնասով աշխատել մեկ ամիս, շատ ցածր գին առաջարկել, միայն թե այդ օբյեկտում ուրիշ ջուր չհայտնվի։
«Այս հարցում բավականին լիբերալ են «Բջնին» եւ «Նոյը», որովհետեւ ես առանձնապես խնդիրների առաջ չեմ կանգնել, եթե մի տեղ այս ջրերն են եղել։ Տվյալ օբյեկտի տերը հեշտությամբ նաեւ իմ ջուրն է վերցրել»,- ասաց Ներսիսյանը։
Իսկ խոշոր խանութները, սննդի օբյեկտներն ու սուպերմարկետներն ինչպե՞ս են վերաբերվում նոր շուկա մուտք գործողներին, եւ արդյոք հարկայինում կամ սննդի ցանցում պե՞տք է ծանոթ ունենալ, որ ապրանքդ վերցնեն։ Դավիթ Ներսիսյանը կարծում է, որ հարկայինում ծանոթի միջոցով հարց լուծելու թվերն անցել են։ Հիմա առաջնային պլան է մղվում մարկետինգային ճիշտ քաղաքականությունը։ Բայց եթե գրագետ չես գործում, ապրանքդ շուկա մտցնելու համար ազդեցիկ ծանոթ, միանշանակ, պետք է»:
Վահե ՄԱԿԱՐՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
