Լրահոս
Օրվա լրահոսը

Գագիկ Ծառուկյան. «Ալբանիայում տարած հաղթանակները հպարտություն են առաջացնում»

Հոկտեմբեր 23,2017 15:36

Ալբանիայի Դուրրես քաղաքում անցկացված ծանրամարտի Եվրոպայի երիտասարդական առաջնությունում ունեցած փայլուն մրցելույթներից հետո Հայաստանի Մ 20 եւ Մ 23 տարեկան տղաների եւ աղջիկների հավաքականներն այս գիշեր վերադարձան Երեւան:

Մեր հավաքականներն, ընդհանուր առմամբ, նվաճել են 32 մեդալ:

«Զվարթնոց» օդանավակայանում մեր ծանրորդներին դիմավորեցին ՀԱՕԿ նախագահ Գագիկ Ծառուկյանը, ՀՀ սպորտի եւ երիտասարդության հարցերի նախարար, ՀԱՕԿ գլխավոր քարտուղար Հրաչյա Ռոստոմյանը, մարզաշխարհի ներկայացուցիչներ, ծանրորդների հարազատներ ու ընկերներ, մարզասերներ:

«Մեր ծանրորդների տարած հաղթանակները միայն հպարտություն ու երջանկություն են առաջացնում: Դրանք մեկնաբանելու կարիք չկա: Կատարվող ամենօրյա աշխատանքն արդյունքները տալիս է: 18 ոսկե, 8 արծաթե, 6 բրոնզե մեդալը շատ պատկառելի արդյունք է, մանավանդ, ծանրամարտի բոլոր ուժեղագույն երկրների հետ պայքարի պարագայում:

Սիմոն Մարտիրոսյանն Ալբանիայում պոկում վարժությունում կրկնեց իր տարիքային խմբի Եվրոպայի ռեկորդը, իսկ հրում վարժությունում նոր բարձրագույն նվաճում սահմանեց: Եթե նա այդ արդյունքը ցույց տար Ռիո դե Ժանեյրոյում, օլիմպիական չեմպիոն կդառնար: Մեր 20 եւ 23 տարեկան չեմպիոնները ցույց տվեցին, որ լավագույնն են եւ մրցակից չունեն: Նրանք դեռ պետք է մասնակցեն Տոկիոյի ամառային օլիմպիական խաղերին եւ այնտեղ էլ աշխատեն նույնն ապացուցել»,- օդանավակայանում Aravot.am-ին ասաց Գագիկ Ծառուկյանը:

Աշոտ ՀԱԿՈԲՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հոկտեմբեր 2017
Երկ Երե Չոր Հնգ Ուրբ Շաբ Կիր
« Սեպ   Նոյ »
 1
2345678
9101112131415
16171819202122
23242526272829
3031