Լրահոս
Օրվա լրահոսը

Աշոտ Ղուլյան. Արցախի կարգավորման հարցում նոր տրամադրություններ են հայտնվել

Նոյեմբեր 10,2017 11:46

«Մենք գնահատում ենք ՀՀ ԱԺ մեր գործընկերների ջանքերը միջազգային խորհրդարանական կառույցներում հայկական կողմերի դիրքորոշումները պատշաճ ներկայացնելու, Ադրբեջանի իշխանությունների կողմից խնդրի էությունը խեղաթյուրող եւ կողմնակալ ձևակերպումների ու նախաձեռնություններին դիմակայելու ուղղությամբ»,-այսօր ՀՀ ԱԺ-ում ընթացող Հայաստանի Հանրապետության եւ Արցախի Հանրապետության Ազգային ժողովների միջև համագործակցության միջխորհրդարանական հանձնաժողովի 12-րդ նիստի ժամանակ հայտարարեց Արցախի հանրապետության խորհրդարանի նախագահ Աշոտ Ղուլյանը:

Նիստի օրակարգային հարցերից են միջազգային խորհրդարանական հարթակներում ադրբեջանա–ղարաբաղյան հակամարտության քննարկումներն ու այդ համատեքստում ՀՀ-ի խորհրդարանական պատվիրակությունների կողմից տարվող աշխատանքները:

Աշոտ Ղուլյանը կարծում է, որ վերջին մեկ տարվա քննարկումների բովանդակությունը ցույց է տալիս «որոշակի նոր տրամադրությունների հայտնելու մասին»:

Խոսելով օրակարգային մյուս հարցից` ՀՀ-ում եւ Արցախում հետսահմանադրական գործընթացների առանձնահատկությունների, Արցախի հանրապետության խորհրդարանի նախագահն ասաց. «Չնայած պետական կառավարման տարբերություններին այս ոլորտում համատեղ քննարկումների անհրաժեշտություն կա: Այս հարթակը ոչ միայն հնարավորություն է օրենսդրական փորձի փոխանակման տեսանկյունից, այլ նաեւ յուրահատուկ խողովակ է մեզ համար, ինչպես տարբեր երկրների խորհրդարանականների հետ կապեր հաստատելու, այնպես էլ միջազգային խորհրդարանական ամբիոնից Արցախի դիրքորոշման մասին բարձրաձայնելու համար»:

Նելլի ԳՐԻԳՈՐՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Նոյեմբեր 2017
Երկ Երե Չոր Հնգ Ուրբ Շաբ Կիր
« Հոկ   Դեկ »
 12345
6789101112
13141516171819
20212223242526
27282930