Ռուսաստանի Դաշնության կառավարությունը որոշել է ներել աֆրիկյան Մոզամբիկ պետության պարտքը՝ 40 միլիոն դոլար: Այդ գումարով Մոզամբիկի դպրոցներում 5 տարի շարունակ 150 հազար երեխա կնախաճաշի: Սա առաջին անգամը չէ, որ Ռուսաստանը պարտք է ներում: 1992 թվականից մինչ օրս Ռուսաստանը ավելի քան 140 միլիարդ դոլար պարտք է ներել մոտ 20 երկրի:
Ամեն անգամ ասվել է, որ Ռուսաստանը դա անում է երկրի զարգացմանը նպաստելու համար: Իսկ Հայաստանի դեպքում չարվեց: 2002 թվականին Ռուսաստանը «Գույք՝ պարտքի դիմաց» համաձայնագրով 98 միլիոն դոլար պարտքի դիմաց իրենով արեց հայկական 4 ձեռնարկություն, որոնցից երեքն այսօր չեն աշխատում: Մինչդեռ ի տարբերություն Մոզամբիկի՝ Հայաստանում կա ռուսական ռազմաբազա, որի բոլոր ծախսերը հոգում է Հայաստանը:
Ն. Գ.
«Առավոտ»
10.11.2017
