Հրաչյա Ռոստոմյան. «Աշխատանքներ ենք տանում, որպեսզի երեխաները մարտարվեստների ձեւական ֆեդերացիաներում չկորչեն»

Հրաչյա Ռոստոմյան. «Աշխատանքներ ենք տանում, որպեսզի երեխաները մարտարվեստների ձեւական ֆեդերացիաներում չկորչեն»

Հայաստանի ավանդական ուշուի ֆեդերացիայի 25-ամյակի արարողությանը ներկա ՀՀ սպորտի եւ երիտասարդության հարցերի նախարար Հրաչյա Ռոստոմյանը լրատվամիջոցների հետ ճեպազրույցում ասաց. «Այս միջոցառումը մասսայական սպորտի զարգացմանն ուղղված եւս մի քայլ է ու խթան: Հայաստանի ավանդական ուշուի ֆեդերացիան կայացած ֆեդերացիա է, որը ցույց է տալիս՝ արեւելյան մարտարվեստները եւս կարող են կանոնակարգված աշխատանքով հասնել շատ բարձր արդյունքների եւ քո երկիրը ճանաչելի դարձնել ամբողջ աշխարհում: Այս ուղղությամբ մեր աշխատանքի շնորհիվ մարտարվեսի մի քանի ֆեդերացիաներ միավորվել են, ճանաչվել նախարարության կողմից: Եվ մենք արդեն աջակցելու ենք այնպես, ինչպես մյուս մարզաձեւերին:

Արեւելյան մարտարվեսներով զբաղվողները հազարներով են հաշվվում, սակայն նրանց զգալի մասը մարզվում է չարտոնագրված ֆեդերացիաներում: Մենք աշխատանքներ ենք տանում, որպեսզի երեխաները ճիշտ ֆեդերացիաներում մարզվեն, որպեսզի որեւէ կորուստ չունենանք, որպեսզի նրանք մի քանի ձեւական միջոցառումներ անցկացնող ֆեդերացիաներում չկորչեն: Այդպիսի ֆեդերացիաները սպորտի հետ առնչություններ չունեն», – ասաց Հրաչյա Ռոստոմյանը:

Աշոտ ՀԱԿՈԲՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

 
Առցանց Առավոտի լուրերին facebook-ով բաժանորդագրվելու համար սեղմեք