Լրահոս
Օրվա լրահոսը

Թող որ ամեն նոր ու արդյունավետ նախաձեռնություն իրականացնող մեր երկրում պատրաստ ու տրամադրված լինի իր գործի մի մասն Արցախում անել. Կարեն Ավագյան

Նոյեմբեր 14,2017 17:20

Օրեր առաջ գործընկերներիս հետ հերթական անգամ Արցախ էինք այցելել` նոր ծրագրերի գաղափարներով, նոր նախաձեռնություններով, որոնք արդեն իսկ սկսել ենք: Արցախի գյուղերում ու քաղաքներում միշտ նույն զգացումն է, որը երևի ամենալավը նախագահ Սերժ Սարգսյանն է նկարագրում իր հայտնի ելույթում. «Արցախի ժողովուրդն ամբողջությամբ բանակ է. այստեղ յուրաքանչյուրն է զինվոր, որ ամիսներ ու տարիներ շարունակ պաշտպանում է խաղաղությունը գերագույն արժեք համարողների, ժողովրդավարությունը կենսակերպ դարձրածների, խոսքի ազատության, մարդու իրավունքների, քրիստոնեության և հանդուրժողականության մեծ տարածքի հարավարևելյան սահմանը։ Արցախն ինքը մեր օրերի հերոսն է»։

Իսկապես հենց այս զգացումն է համակում Արցախի հողին ոտք դրած յուրաքանչյուրին: Բայց առաջնագծի հոգսն ուսերին փոքրիկ Արցախը միշտ չէ, որ ժամանակ ու հնարավորություն կարող է ունենալ հետևելու աշխարհի տեխնոլոգիական վերջին զարգացումներին, արտադրության կամ առևտրի ոլորտների ամենաթարմ նորարարություններին կամ ինչ-որ բան աճեցնելու ու կառուցելու նոր հնարավորություններին: Արևելքից եկող մշտական սպառնալիքը արցախցու ուշադրությունը լրիվ այլ հարցերի վրա է կենտրոնացրել:

Արցախից վերադառնալիս ես ու իմ գործընկերները որոշեցինք կոչով դիմել բոլորին:

Հարգելի գործարարներ, եթե նոր ու արդյունավետ բիզնես եք սկսում, դրա մի փոքր արտադրամասը Արցախում դրեք, եթե նույնիսկ կավելացնեք տրանսպորտային ծախսը:

Հարգելի դասախոսներ, եթե ժամանակակից թեմատիկ կուրս եք մշակել, անպայման մեկ-երկու դասախոսություն Ստեփանակերտում կարդացեք:

Հարգելի ֆերմերներ, եթե բարձր արտադրողականությամբ սունկ, հատապտուղներ, միրգ կամ ծաղիկներ եք աճեցնում և ունեք իրացման շուկաներ, ձեր բիզնեսի մի փոքր մասն Արցախ տեղափոխեք: Նույնը՝ մնացած բոլոր մասնագիտությունների մասով:

Թող որ ամեն նոր ու արդյունավետ նախաձեռնություն իրականացնող մեր երկրում պատրաստ ու տրամադրված լինի իր գործի մի մասն Արցախում անել: Այդպես մենք առկա բոլոր նորություններն ու նոր հնարավորությունները արագ այնտեղ կհասցնենք: Չէ՞ որ արցախցին օբյեկտիվորեն ամեն ինչին հետևելու ժամանակ չունի, նա զբաղված է` աչալրջորեն հսկելով խաղաղությունը գերագույն արժեք համարողների մեծ տարածքի հարավարևելյան սահմանը:

 

ՀՀ ԱԺ պատգամավոր Կարեն Ավագյանի ելույթն ԱԺ հայտարարությունների ժամին

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Նոյեմբեր 2017
Երկ Երե Չոր Հնգ Ուրբ Շաբ Կիր
« Հոկ   Դեկ »
 12345
6789101112
13141516171819
20212223242526
27282930