Լրահոս
Օրվա լրահոսը

Ստեփանակերտի Մեսրոպ Մաշտոցի անվան հանրապետական գրադարանի համար նախատեսվում է կառուցել նոր շենք

Նոյեմբեր 14,2017 21:40

Ստեփանակերտի Մեսրոպ Մաշտոցի անվան հանրապետական գրադարանը գործում է 1924 թվականից: Արցախյան ազատամարտի տարիներին գրադարանը շարունակել է իր գործունեությունը: Aravot.am-ի հետ զրույցում գրադարանի տնօրեն Անահիտ Բաղրյանը նշում է, որ այդ տարիներին արվել է ամեն ինչ` գրադարանի բնականոն աշխատանքը չխաթարելու համար:

Գրադարանն այժմ ունի 153,255 կտոր գիրք: Դրանց մեծամասնությունը ռուսերեն են` 105539 կտոր գիրք, իսկ հայերեն` 70,015: Ռուսերեն գրքերի մեծ թվով առկայությունը, տնօրենի խոսքով, խորհրդային ժամանակաշրջանից մնացած ժառանգությունն է:

Գրադարանը պարբերաբար շարունակում է համալրվել նոր գրականությամբ. «Ամեն տարի գրադարանը համալրվում է նոր գրքերով, որոնց մեջ մեծ թիվ են կազմում և ՛ անհատների, և ՛ կազմակերպությունների կողմից կատարված նվիրատվությունները»:

Խոսելով գրադարանի և ընթերցասրահի հաճախորդների և այցելուների մասին, տնօրենը նշում է, որ նրանք հիմնականում դպրոցականներ, ուսանողներ և թոշակառուներ են: «Մեկ ամսվա ընթացքում ընթերցասրահ է այցելում մոտ 100 այցելու: Իսկ գրադարանից օգտվողների թիվը այս տարվա ընթացքում կազմել է ավելի քան 3000 ընթերցող»,- նշում է նա և հավելում, որ գրադարանում առկա է նաև էլեկտրոնային ընթերցասրահ, որտեղ դեռևս կան ծրագրային կարգավորման խնդիրներ:

Ինչպես տեղեկացրեց տնօրենը առաջիկայում նախատեսվում է նաև գրադարանի համար կառուցել նոր շենք:

Դավիթ ԱԲԱՂՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Նոյեմբեր 2017
Երկ Երե Չոր Հնգ Ուրբ Շաբ Կիր
« Հոկ   Դեկ »
 12345
6789101112
13141516171819
20212223242526
27282930