Լրահոս
Օրվա լրահոսը

Ինչու են պաշտոնյաների կանայք ու հարսները ծննդաբերում «դրսում»

Նոյեմբեր 14,2017 23:40

Վերջին օրերին քննարկվում է «Զինվորական ծառայության եւ զինծառայողի կարգավիճակի մասին» օրենքը, օրենսդիրների մեծամասնությունն էլ չի կարեւորում կրթության անընդհատությունը: Ոմանք էլ միմյանց են հակադրում ապրիլյան պատերազմի հերոսներին ու դասադուլ անող ուսանողներին:

Օրենսդիրների մեծ մասը հանգիստ կարող է կոճակ սեղմել հօգուտ «բանակ տանելու», որովհետեւ իրենք մտահոգվելու խնդիր չունեն: Իրենցից շատերի զավակներն ու թոռները արտասահմանում են ծնվել, ՀՀ քաղաքացիներ չեն: Հետեւաբար, վաղը նրանց չեն զորակոչելու բանակ: Ու վերջին հաշվով, էլի խեղճ ու կրակ ընտանիքների տղաներին են բանակ տանելու: Ինչո՞ւ, որովհետեւ նրանց վիճակված չի եղել ճարպիկ ծնողների շնորհիվ արտասահմանի քաղաքացիություն կամ «հիվանդության թուղթ» ձեռք գցել:

Անուններ չտանք` ցանկության դեպքում բոլորն էլ կարող են պարզել, թե հատկապես որ պատգամավորների կամ պաշտոն զբաղեցնողների կանայք ու հարսներն են ծննդաբերել ամերիկաներում ու եվրոպաներում: Ով ֆինանսական որոշակի հնարավորություն ունի, ընտանիքի անդամը դրսում է երեխային լույս աշխարհ բերում: Իրենք այլեւս ապահովագրված են հայրենիք պաշտպանելուց, փոխարենը հարկ եղած դեպքում տարբեր ամբիոններից պաթետիկ ելույթներ կարող են ունենալ ու Ռոդենի Մտածողի կերպարով բողոքել, թե ինչու են ուրիշները ընդդիմանում իրենց գրած օրենքների դեմ, դժգոհում արդարության պակասից:

Մի բան պարզ է, ինչ օրենք էլ լինի՝ առաջնագիծը մնալու է աղքատ ընտանիքների որդիների «մենաշնորհը»: Այստեղ տեղին է հիշել Համո Սահյանի միտքը, որ ընդհանրապես երկիրը կառավարությանն է պատկանում, բայց պատերազմի ժամանակ անունը դնում են Հայրենիք ու հանձնում ժողովրդին…

 Գոհար ՀԱԿՈԲՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (1)

Պատասխանել

  1. Ashot says:

    Բայց ինչի անուններ չեք տալիս։ Տենց սրիկաներին պետքա քաղաքացիությունից զրկել դեպորտ անել։

Պատասխանել Ashot

Օրացույց
Նոյեմբեր 2017
Երկ Երե Չոր Հնգ Ուրբ Շաբ Կիր
« Հոկ   Դեկ »
 12345
6789101112
13141516171819
20212223242526
27282930