Լրահոս
Օրվա լրահոսը

Լավրովն ու Ալիևը քննարկել են Արցախի հիմնախնդիրը

Նոյեմբեր 20,2017 10:57

Ռուսաստանը, որպես ԵԱՀԿ Մինսկի խմբի համանախագահ երկիր, շահագրգռված է Արցախի հակամարտության կարգավորման գործում օգնելու լուծումներ գտնել և առաջընթաց ապահովել: Նման հայտարարություն է արել Ռուսաստանի արտգործնախարար Սերգեյ Լավրովը Բաքվում Ադրբեջանի նախագահ Իլհամ Ալիևի հետ հանդիպմանը, հաղորդում է Trend-ը:

«Մենք՝ որպես ԵԱՀԿ Մինսկի խմբի եռանախագահ-անդամ, մշտապես շահագրգռված ենք, որպեսզի ամեն կերպ օգնենք լուծումներ գտնելու և առաջընթաց ապահովելու Լեռնային Ղարաբաղի կարգավորման գործում: Այստեղ մենք միանգամայն համաձայն ենք Ձեզ հետ, որ անհրաժեշտ է այդ ուղղությամբ ակտիվ քայլեր ձեռնարկել»,- ասել է Լավրովը:

Ադրբեջանի նախագահ Իլհամ Ալիևն էլ իր հերթին նշել է, որ Ադրբեջանը «չափազանց շահագրգռված է» հակամարտության լուծման հարցում:

Կողմերը նաև գոհունակություն են հայտնել բոլոր, այդ թվում դիվանագիտական, առևտրատնտեսական և ապրանքաշրջանառության ոլորտներում երկկողմ կապերի զարգացման ընթացքից:

«Լիովին կիսում եմ Ձեր գնահատականը մեր քաղաքական երկխոսության վերաբերյալ: Բոլորովին վերջերս Դուք հերթական անգամ Թեհրանում հանդիպեցիք Ռուսաստանի Դաշնության նախագահ Վլադիմիր Պուտինի հետ: Դա նոյեմբերի 1-ին էր: Նա Ձեզ ամենաջերմ ողջույններն է փոխանցում: Հաճույքով է հիշում Ձեր շփումները, և մենք հավատարիմ ենք այն ամենի իրականացմանը, ինչ որ պայմանավորվել եք Վլադիմիր Վլադիմիրովիչի հետ»,- ասել է Լավրովը:

 

Պատրաստեց՝ Վիկտորյա ԱՆԴՐԵԱՍՅԱՆԸ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Նոյեմբեր 2017
Երկ Երե Չոր Հնգ Ուրբ Շաբ Կիր
« Հոկ   Դեկ »
 12345
6789101112
13141516171819
20212223242526
27282930