Լրահոս
Օրվա լրահոսը

Այսօր 2 ժամում 223 գիրք նվիրաբերվեց սահմանամերձ Բաղանիս գյուղի դպրոցի գրադարանին

Նոյեմբեր 20,2017 22:55

«Արմեն Ամիրյանից՝ սիրով». մշակույթի նախարարի մակագրությամբ հատուկ արկղում տեղավորվեցին Եղիշե Չարենցի «Դանթեական առասպելը», Կոստան Զարյանի «Նաւը լերան վրայ» և Պարույր Սևակի «Անլռելի զանգակատուն» գրքերը։

Բարեգործական գրքահավաքը կշարունակվի նաև առաջիկա օրերին։ Այսօր 2 ժամում 223 գիրք նվիրաբերվեց սահմանամերձ Բաղանիս գյուղի դպրոցի գրադարանին։ Հայտնի արվեստագետները, պաշտոնյաները և այլք մակագրում էին իրենց սիրելի գիրքը՝ դպրոցի գրադարանի համար։

Իսկ այդպես էլ ներկայանալ չկամեցած անծանոթը «Մուտքը՝ գրքով» կարգախոսին մասամբ հետևեց. գրքերով եկավ, բայց ներս չմտավ։ Երկու արկղ և երկու տոպրակ գիրքը նա թողեց «Միրզոյան» գրադարանի ներքևի մուտքի մոտ։

Սա Գրքի երևանյան փառատոնի առայժմ ոչ պաշտոնական մեկնարկն էր։ Նոյեմբերի 24-ին պաշտոնապես կբացվի Գրքի երևանյան եռօրյա փառատոնը ( Yerevan Book Fest).

« Այդ փառատոնով մենք մի փոքր այլ ձևով ենք շարունակում պետության աջակցությամբ հայ ժամանակակից գրականության հրատարակումը։ Ավելի վաղ հայտարարել էինք, որ դա անելու ենք հեռուստատեսային հաղորդման ձևաչափով, բայց գրողներից շատերը մտավախություն հայտնեցին, թե այդկերպ իրենց ստեղծագործությունների արժանիքները գուցե ճիշտ չներկայացվեն, իսկ փառատոնի գաղափարը նրանց համար ընդունելի է», – ասաց Արմեն Ամիրյանը։

Հաղթողներին կորոշեն մասնագիտական ժյուրիի ձայների՝ 60 և հանրության ներկայացուցիչների ձայների 40 տոկոսով։ Մրցանակային գումարները կփոխանցվեն հեղինակների ընտրած հրատարակիչներին, իսկ նրանք կպարտավորվեն առավելագույնը մեկ տարում հրատարակել գրողի տվյալ գիրքը։

ՀՀ Մշակույթի նախարարություն

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Նոյեմբեր 2017
Երկ Երե Չոր Հնգ Ուրբ Շաբ Կիր
« Հոկ   Դեկ »
 12345
6789101112
13141516171819
20212223242526
27282930