Մարտիրոս Սարյանի արձանի շուրջ գործող Վերնիսաժը ոչ միայն երեւանցիների, այլեւ զբոսաշրջիկների սիրելի վայրերից է: Ուրիշ էլ որտե՞ղ կարելի է գույների այսքան կենտրոնացման հանդիպել:
Վայրն աչք շոյող է, բանուկ, մերձակայքում էլ բազմաթիվ սրճարաններ կան, դրա համար էլ Սարյանի արձանն ու նրա հարեւանությամբ գտնվող «Տղամարդիկ» արձանախումբը մշտապես հանգիստ չունեն իրենց հետ կամ ֆոնին լուսանկարվողներից: Ափսոս, որ քաղաքի սրտում գտնվող պուրակի կողքին՝ նկարներից բացի, նաեւ կուտակված աղբ կա: Չգիտենք՝ այդ սյուրռեալիստական «համադրությունն» ինչպե՞ս է անդրադառնում նկարիչների մուսայի վրա, բայց որ անցորդների նյարդերին հաստատ բացասաբար է անդրադառնում, փաստ է: Նաեւ կոռեկտ չէ վրձնի վարպետին աղբի բույրով օծելը:
Լուսանկարը` ԳՈՀԱՐ ՀԱԿՈԲՅԱՆԻ
«Առավոտ»
23.11.2017
