Լրահոս
Օրվա լրահոսը

Ձերբակալվել է Արծվաբերդի անտառտնտեսության 3 անտառապետ

Դեկտեմբեր 05,2017 16:41

Մեզ հայտնի է դարձել, որ երեկ՝ դեկտեմբերի 4-ին ձերբակալվել են Արծվաբերդի անտառտնտեսության 3 անտառապետ: Նրանց անունները մեզ հայտնի են: Նրանց երեկ տեղափոխել են Երեւան:

Այսօր ՀՀ հատուկ քննչական ծառայությունը հաղորդագրություն է տարածել, որ ՀՀ բնապահպանության նախարարության նախկին բնապահպանական պետական տեսչության պաշտոնյաները խմբով՝ նախնական համաձայնությամբ կաշառք են ստացել` «Հայանտառ» ՊՈԱԿ-ի «Արծվաբերդի անտառտնտեսություն» մասնաճյուղում ապօրինի հատված ծառերի իրական ծավալները չարձանագրելու դիմաց:

Հաղորդագրության մեջ նշված է, որ կաշառք ստանալու, կաշառք տալու և կաշառք տալուն օժանդակելու կասկածանքով ՀՀ հատուկ քննչական ծառայության քննիչի կողմից ձերբակալվել են 4 անձինք, այդ թվում` «Արծվաբերդի անտառտնտեսություն» մասնաճյուղի աշխատակիցներն ու ՀՀ ԲՆ նախկին բնապահպանական պետական տեսչության պաշտոնյան:

Այսօր մենք դիմեցինք ՀՀ հատուկ քննչական ծառայություն, հարցնելով՝ թե ձերբակալվածների թվում «Արծվաբերդի անտառտնտեսության» 3 անտառապետերը կա՞ն, քրեական օրենսգրքի ո՞ր հոդվածով է նրանց մեղադրանք առաջադրվել: Մեզ պատասխանեցին, որ նախաքննության գաղտնիությունից ելնելով՝ բացի այսօր տարածած տեղեկատվությունից, այլ մանրամասներ չեն կարող հրապարակել:

Բերդի տարածաշրջանի մեր աղբյուրները հայտնեցին, որ տարածաշրջանի անտառներում ապօրինի հատումները վաղուց են տեղի ունենում, այժմ միջին մասշտաբի պաշտոնյաներին՝ անտառապետերին ձերբակալելը նպատակ ունի «Արծվաբերդի անտառտնտեսությունը» «Հայանտառից» բնապահպանության նախարարությանը հանձնելուց առաջ, նախկինում կատարված մեծամասշտաբ հատումների համար մեղավորներ ներկայացնել:

Ոսկան ՍԱՐԳՍՅԱՆ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Դեկտեմբեր 2017
Երկ Երե Չոր Հնգ Ուրբ Շաբ Կիր
« Նոյ   Հուն »
 123
45678910
11121314151617
18192021222324
25262728293031