ՊՆ մամուլի քարտուղար Արծրուն Հովհաննիսյանը հայտնել է, որ դեկտեմբերի 11-ին ՀՀ սահմանի հյուսիս-արեւելյան հատվածում, մարտական հերթապահության ժամանակ ականապայթյունային վնասվածք է ստացել շարքային, 1998թ. ծնված Արթուր Գարիկի Դանիելյանը:
Բերդի հոսպիտալի պետ Էդիկ Գրիգորյանից տեղեկացանք, որ զինվորի ձախ ոտնաթաթն անդամահատվել է:
Երեւան քաղաքի բնակիչ Արթուր Դանիելյանի վիճակը կայուն է, միջին ծանրության:
Հոսպիտալի պետն ասաց, որ նա մի քանի օրից կտեղափոխվի Երեւան, կենտրոնական կլինիկական զինվորական հոսպիտալ:
Ոսկան ՍԱՐԳՍՅԱՆ