ՊՆ-ից հաստատեցին՝ Երևանի Շենգավիթ վարչական շրջանի ընդհանուր իրավասության դատարանի նախկին դատավոր Իշխան Բարսեղյանի որդին՝ Ռազմիկ Բարսեղյանը, որը ԼՂՀ Մարտունի-3 զորամասի զինծառայող էր, հոգեկան խնդիրներով զորամասից տեղափոխվել է ԶՈւ Կանազի հոսպիտալ:
ՊՆ խոսնակ Արծրուն Հովհաննիսյանը Aravot.am-ին փոխանցեց, որ երիտասարդը հոսպիտալի հոգեբուժական բաժանմունքում բուժում է ստանում հոկտեմբերից: Նա նաեւ ասաց, որ այլ մանրամասներ չի կարող հաղորդել:
Մեր հարցին՝ բանակում միջադեպի հետեւանքո՞վ է երիտասարդը խնդիրներ ձեռք բերել, պարոն Հովհաննիսյանը պատասխանեց. «Ոչ, որեւէ միջադեպի հետ կապված չէ»:
Հիշեցնենք, որ Իշխան Բարսեղյանը մեղադրվում է կաշառք պահանջելու ու ստանալու համար, իսկ նրա պաշտպան Վարդուհի Էլբակյանը երեկ Aravot.am-ին ասել էր, որ երիտասարդը հոսպիտալում է ոչ թե հոգեկան, այլ ֆիզիկական առողջական խնդիրների պատճառով:
Արփինե ՍԻՄՈՆՅԱՆ
Հարգելի Արփինե Սիմոնյան և Աննա Իսրայելյան,
Ես ամեն անգամ մեծ ցավ եմ ապրում, երբ մասնավոր կյանքի մասին նման զգայուն տեղեկություններ են հայտնվում մամուլում։ Համաձայնվեք, որ սա “Առավոտ”օրաթերթի որդեգրած վարքականոնի 8-րդ կետի կոպիտ խախտում է («Առավոտի» լրագրողները չեն հրապարակում մարդկանց մասնավոր կյանքի մասին տեղեկություններ, եթե դրանք չեն առնչվում պաշտոնյաների եկամուտների եւ կոռուպցիոն երեւույթների հետ։ )
Դիտողությունը լիովին ճշմարիտ է, ընդունում ենք, հարգելի Արաքս:
Կարող էինք փաստարկ ներկայացնել, թե այս դեպքը հասարակական հնչեղություն է ստացել, եւ մենք ուղղակի այս առնչությամբ պարզաբանումներ ենք փոխանցել:
Բայց միեւնույն է՝ ճիշտ եք, հաշվի կառնենք:
Հարգանքով