Լրահոս
Օրվա լրահոսը

«Փակ» տեղեկատվությունը չհրապարակելու պարտավորագիրը տեխնիկական անձնակազմի համար է

Դեկտեմբեր 13,2017 16:58

Լրատվամիջոցներում մեկնաբանություն է տարածվել, թե Ազգային կինոկենտրոնի գեղարվեստական խորհրդի անդամներին «ստիպում են ստորացուցիչ պարտավորագիր ստորագրել», ինչը գեղխորհրդի անդամներին զրկելու է խոսքի կամ կարծիք հայտնելու իրավունքից:

Ազգային կինոկենտրոնի գեղարվեստական ղեկավար, ֆիլմ-հանձնակատար Արսեն Բաղդասարյանը մեկնաբանում է.

«Այսօր Գեղխորդի անդամների հետ քննարկմանը որոշվեց, որ չբացահայտված տեղեկությունը չհրապարակելու մասին նշված պարտավորագիրը վերաբերելու է ֆիլմերի հայտերն ընդունող տեխնիկական անձնակազմի անդամներին: Ընդունված հայտի գաղտնիության վերաբերյալ պարտավորագիրը քաղաքակիրթ աշխարհում ընդունված ձևաչափ է, որովհետև հայտը՝ թվեր, մի շարք տեղեկություններ պարունակող բիզնես ծրագիր է նաև, որի «գաղտնազերծումը» կարող է լուրջ խնդիրներ առաջացնել՝ ինչպես հայտն ընդունողի, տվյալ դեպքում, Ազգային կինոկենտրոնի, այնպես էլ հայտի հեղինակի համար: Քանի որ մեզանում նման պարտավորագրի ստորագրման փորձը նոր է կիրառվում, փաստաթուղթը ներկայացվել է գեղխորհրդի անդամներին՝ նրանց կարծիքը լսելու ակնկալիքով»:

Ինչ վերաբերում է պետական աջակցությամբ նկարահանվելիք ֆիլմերի հայտերն ընդունելու և հաստատելու կարգին, ձևաչափը հետևյալն է.

«Հայտն ընդունելուց հետո տեխնիկական անձնակազմը որոշում է, թե որքանով է այն համապատասխանում սահմանված չափորոշիչներին: Չբավարարելու դեպքում նրանք հայտատուի հետ աշխատում են, հնարավորության դեպքում օգնում՝ շտկելու թերությունները: Եթե հայտը համապատասխանում է ընդունված տեխնիկական չափորոշիչներին, ապա հեղինակի անունը հանվում է, և անանուն հայտն ուղարկվում է Գեղխորհրդի քննարկմանը: Վերջինը կարծիք է հայտնում միայն ներկայացված հայտի գեղարվեստական չափորոշիչների վերաբերյալ՝ առանց իմանալու, թե ում կողմից է ներկայացված հայտը: Հաստատված հայտերի ցանկը հրապարակվում է Ազգային կինոկենտրոնի պաշտոնական կայքէջում»:

Դիտարկմանը, թե գեղխորհրդի անդամն էլ կարող է, օրինակ, նկարել սցենարն ու տարածել կամ օգտագործել՝ վերը նշված վնասը հասցնելով հայտատուին և Կինոկենտրոնին, Արսեն Բաղդասարյանի պատասխանն է.

«Տեխնիկական անձնակազմը ընդունում է միայն այն հայտերը, որոնցում ներկայացված սցենարները գրանցված են համապատասխան հեղինակային իրավունքով: Իսկ այդ իրավունքը պաշտպանված է օրենքով »:

Ալիսա Գևորգյան

ՀՀ մշակույթի նախարարություն

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Դեկտեմբեր 2017
Երկ Երե Չոր Հնգ Ուրբ Շաբ Կիր
« Նոյ   Հուն »
 123
45678910
11121314151617
18192021222324
25262728293031