Ինչպես ավելի վաղ հայտնել էինք, այսօր ընթերցողներին ներկայացվեց Էրիխ Մարիա Ռեմարկի «Երեք ընկեր» վեպի գերմաներեն բնագրից առաջին հայերեն թարգմանությունը: «Էդիթ պրինտ» հրատարակչության հիմնադիր Մկրտիչ Կարապետյանն Aravot.am-ին հայտնեց, որ փետրվարին հայերենով լույս կտեսնի հեղինակի մյուս հայտնի գլուխգործոցը՝ «Հաղթական կամարը»:
«Թարգմանությունը կավարտվի հունվարին: Հուսով ենք, որ հաջորդ տարվա փետրվարի 19-ին՝ Հովհաննես Թումանյանի ծննդյան օրը, որը նշում ենք որպես գիրք նվիրելու օր, գիրքը սպասված նվեր կլինի ընթերցողներին»,-նշեց նա:
Նաեւ տեղեկացրեց, որ վերջերս հայերեն է թարգմանվել Անտուան դը Սենտ Էքզյուպերիի «Մարդկանց երկիր» գիրքը, իսկ շուտով կլինի «Գիշերային թռիչք» պատմվածքի հայերեն թարգմանության շնորհանդեսը: «Այն թարգմանվում է ֆրանսերեն բնագրից»,-տեղեկացրեց մեր զրուցակիցը:
Մանրամասն՝ տեսանյութում:
Լուիզա ՍՈՒՔԻԱՍՅԱՆ
