Լրահոս
Օրվա լրահոսը

ՀՀ քննչական կոմիտեն՝ երկու անձի մահվան պատճառ դարձած ավտովթարի մասին

Հունվար 03,2018 12:52

ՀՀ քննչական կոմիտեի Լոռու մարզային քննչական վարչության Ստեփանավանի քննչական բաժնում հարուցվել է քրեական գործ՝ երկու անձի մահվան պատճառ դարձած ավտովթարի դեպքի առթիվ, քննություն է տարվում՝ պարզելու վթարի պատճառները։

Նախնական տվյալներով՝ 2018 թվականի հունվարի 02-ին՝ ժամը 18:10-ի սահմաններում, Տաշիր-Գոգավան ավտոճանապարհի 6-րդ կիլոմետրի հատվածում բախվել են «Վազ 21093» մակնիշի և «Մերսեդես Բենց Ե-320» մակնիշի ավտոմեքենաները, որից հետո «Վազ 21093» մակնիշի ավտոմեքենան դուրս է եկել երթևեկելի գոտուց եւ բռնկվել։ Նշված ավտոմեքենայի մեջ գտնվող ՝ Լոռու մարզի բնակիչներ՝ 1981 թ. ծնված Արտավազդ Մանուկյանը և 1997 թ. ծնված Հայկ Պողոսյանը տեղում մահացել են։

«Մերսեդես Բենց Ե-320» մակնիշի վարորդը եւ ուղեւորները՝ 6 անձ, որոնց թվում երկու երեխա՝ ծնված 2011 եւ 2016 թթ. մարմնական վնասվածքներով տեղափոխվել են ՀՀ ԱՆ «Տաշիր բժշկական կենտրոն» ՓԲ ընկերություն:

Դեպքի առթիվ 2018 հունվարի 02-ին ՀՀ քննչական կոմիտեի Լոռու մարզային քննչական վարչության Ստեփանավանի քննչական բաժնում հարուցվել է քրեական գործ՝ ՀՀ քրեական օրենսգրքի 242-րդ հոդվածի 3-րդ մասով:

Նախաքննության ընթացքում Արտավազդ Մանուկյանը և Հայկ Պողոսյանը ճանաչվել են տուժող, կատարվել են ճանապարհատրանսպորտային դեպքի վայրի, տրանսպորտային միջոցների զննություններ, առգրավումներ, նշանակվել են դիակի դատաբժշկական փորձաքննություններ:

Ձեռնարկվում են անհրաժեշտ քննչական և դատավարական գործողություններ` վթարի պատճառներն ու բոլոր հանգամանքները պարզելու համար:

ՀՀ քննչական կոմիտեի հաղորդագրություն

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունվար 2018
Երկ Երե Չոր Հնգ Ուրբ Շաբ Կիր
« Դեկ   Փետ »
1234567
891011121314
15161718192021
22232425262728
293031