Լրահոս
Օրվա լրահոսը

Որևէ խուճապային տրամադրություն նկատելի չէ. Վարդան Ոսկանյանը՝ Իրանում տիրող իրավիճակի մասին

Հունվար 03,2018 21:39

Արևելագետ Վարդան Ոսկանյանը ֆեյսբուքյան իր էջում անդրադարձել է Իրանում տեղի ունեցող իրադարձություններին: Նա մասնավորապես գրել է. «Չնայած Իրանի Խուժաստան նահանգի որոշ քաղաքներում՝ Ահվազում, Դիզֆուլում և Շուշտարում բողոքի ցույցեր կան, բայց դրանք ընդհանուր առմամբ չեն ազդում քաղաքների առօրյա կյանքի վրա։

Ցույցերը խաղաղ են, այնքան էլ բազմամարդ չեն, սկսվում են երեկոյան և մեկ-երկու ժամից՝ ավարտվում։ Քաղաքներում հատուկ միջոցառումներ նկատելի չեն։ Կենտրոնական հրապարակներում կան ոստիկանության ուժեղացված պարեկախմբեր՝ առանց հատուկ տեխնիկայի և միջոցների, որոնք չեն միջամտում գործընթացներին՝ իրականացնելով պասիվ վերահսկողություն։

Ընդհանուր առմամբ, տեսողական գնահատականով իրավիճակը կառավարելի է թվում, որևէ խուճապային տրամադրություն նկատելի չէ։ Շատերը համոզված են, որ արտասահմանյան ԶԼՄ-ներով իրավիճակի ուռճացում է տեղի ունենում՝ հատկապես Սաուդյան Արաբիայի և Իսրայելի ջանքերով։

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունվար 2018
Երկ Երե Չոր Հնգ Ուրբ Շաբ Կիր
« Դեկ   Փետ »
1234567
891011121314
15161718192021
22232425262728
293031