Այսօր երեկոյան բոլոր եկեղեցիներում մատուցվեց Ճրագալույցի Ս.Պատարագ:
Ճրագալույց նշանակում է ճրագ՝ մոմ, վառել (լուցանել):
Մարդիկ եկեղեցում վառած ճրագներն իրենց հետ տուն էին տանում: Այն խորհրդանշում է աստվածային լույս, եկեղեցու օրհնություն:
Ճրագալույցը խորհրդանշում է նաև բեթղեհեմյան աստղի լույսը, որն առաջնորդեց մոգերին դեպի Հիսուս Մանուկը:
Հունվարի 5-ի երեկոյից մարդիկ միմյանց ողջունում են «Քրիստոս Ծնվեց և Հայտնվեց», «Օրհնյալ է Հայտնությունը Քրիստոսի» ավետիսով։
