Իջեւանում 56 տարեկան տղամարդ է զոհվել. դեպքի հանգամանքները ճշտվում են

Իջեւանում 56 տարեկան տղամարդ է զոհվել. դեպքի հանգամանքները ճշտվում են

Իջեւան քաղաքի 56-ամյա բնակիչն այսօր`հունվարի 6-ին զոհվել է Իջեւանի սարերից մեկում: Երկու եղբայրները, որոշ տեղեկություններով`նաեւ նրանցից մեկի որդին գնացել են կորած ձին որոնելու: Եղբայրներից մեկը որսորդական հրացանով զինված է եղել:

Նրանցից մեկը հայտնել է, որ կրակոց է հնչել, որից իր եղբայրը զոհվել է:

Հնարավոր է, որ եղբայրներն իրականում որսի են մասնակցել: Դեպքի վայրում եղել են իջեւանցի ոստիկանները, ՀՀ քննչական կոմիտեի Տավուշի մարզային քննչական վարչության պետ Աննա Մանթաշյանը, դատական բժիշկը: Գնդակը գտնվում է զոհված իջեւանցու մարմնի մեջ: Դատաբժշկի եզրակացությամբ այս պատմության որոշ հարցերի պատասխաններ կտրվեն:

Ոսկան ՍԱՐԳՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

 
Առցանց Առավոտի լուրերին facebook-ով բաժանորդագրվելու համար սեղմեք