Իրանագետ, ԵՊՀ դասախոս Արտյոմ Տոնոյանը Իրանում 2017 թվականի դեկտեմբերի 28-ից սկսված բողոքի ցույցերը պայմանավորում է երկրում առաջացած գնաճով:
«Իրանցիները դժգոհ էին երկրում գրանցված գնաճից` հատկապես ձվի ու բենզինի: Ցույցերի երկրորդ փուլում իրանցիները դժգոհում էին գործող կառավարությունից, իշխանությունից ու Ռոուհանիի կառավարման մոդելից, իսկ արդեն երրորդ փուլում կոչեր էին հնչում ընդդեմ երկրում տիրող հոգևոր կառավարման, ընդդեմ հոգևոր առաջնորդի, առանց որի երկրում որևէ որոշում վերջնականորեն չի ընդունվում»,- այսօր «Հենարան» ակումբում ասաց իրանագետը:
Բանախոսը չհամաձայնեց շրջանառվող տեսակետների հետ, որ շարժումն ուղղորդված է եղել Արևմուտքի կողմից.
«Ինչ խոսք, արտաքին միջամտություն հնարավոր էր, ու սրա մասին խոսեց երկրի առաջնորդը: Արտաքին միջամտության մասին խոսեց նաև երկրի հոգևոր առաջնորդը, բայց հարց է` կոնկրետ ինչ միջամտության մասին է: Ըստ իս` այստեղ նկատելի է ԱՄՆ-ի, Սաուդյան Արաբիայի ու Իսրայելի ձեռագիրը»:
Արփինե ՍԻՄՈՆՅԱՆ
Ինչ գնաճի մասին ա սա խոսում անկապ ու անիմաստ, ոնց կարելի ա էդքան դատարկ լինել: