Լրահոս
Օրվա լրահոսը

Տեսչական ստուգումներն անօգուտ էին. սիգն արգելված սեզոնին ազատ վաճառվում էր

Հունվար 16,2018 10:26

Երեկ լրացել է սիգի որսի արգելքի ժամկետը. հիշեցնենք՝ այս ձկնատեսակի որսն ու հետեւաբար վաճառքն արգելվել էր անցյալ տարվա դեկտեմբերի 20-ից մինչեւ այս տարվա հունվարի 15-ը: Հիշեցնենք նաեւ, որ դեկտեմբերի 20-ից բնապահպանության եւ ընդերքի տեսչական մարմինը մայրաքաղաքում «ռեյդի էր» դուրս եկել, սիգ վաճառողներին էր փնտրում, հայտնաբերելու դեպքում՝ ձուկն առգրավում: Լուսանկարը, սակայն, արել ենք հունվարի 13-ին, Մալաթիա-Սեբաստիա համայնքում: Ինչպես երեւում է, առեւտրականներն այնքան էլ ահաբեկված չէին բնապահպանության եւ ընդերքի տեսչական մարմնի ստուգումներից:

Ըստ էության, այս տեսչական մարմնի ստուգումները կարճ տեւեցին, քանի որ մինչեւ հունվարի 15-ը, հատկապես Սուրբ Ծննդյան օրը, մայրաքաղաքի մի շարք փողոցներում սիգն ազատ ու անարգել վաճառվում էր: Մեզ հանդիպած առեւտրականը մեր՝ սիգի որսի եւ վաճառքի արգելքի մասին դիտարկմանը մի բան էլ հպարտությամբ ասաց. «Այ քուր ջան, հըմի կարո՞ղ ա բռնել տաս: Ընտիր ձուկ ա, հատը՝ 700 դրամ, նայի՝ փորը բացեմ, իկրան մեջը: Սաղ էլ ծախըմ են, մինակ մենք չենք»:

Լուսանկարները՝ ՆԵԼԼԻ ԲԱԲԱՅԱՆԻ

«Առավոտ»

16.01.2018

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունվար 2018
Երկ Երե Չոր Հնգ Ուրբ Շաբ Կիր
« Դեկ   Փետ »
1234567
891011121314
15161718192021
22232425262728
293031