Լրահոս
Օրվա լրահոսը

«Վիգեն Սարգսյանը նպատակահարմար է գտել այդ կերպ դիրքորոշում հայտնել». ՀՀԿ-ական պատգամավորը՝ նախարարի կոչի մասին (Տեսանյութ)

Հունվար 17,2018 11:00

ԱԺ պաշտպանության եւ անվտանգության հարցերի մշտական հանձնաժողովի նախագահ, ՀՀԿ-ական պատգամավոր Կորյուն Նահապետյանը ողջունում է Պաշտպանության նախարարի՝ վիրավոր զինծառայողի համար հայտարարած դրամահավաքի նախաձեռնությունը: Խորհրդարանում այսօր լրագրողների հետ զրույցում նա ասաց. «Նախարարը նպատակահարմար է գտել նման կերպ իր դիրքորոշումը ձեւակերպել: Զինծառայողների սոցիալական ապահովության հետ կապված տարբեր նախաձեռնություններ կարող են ներկայացվել: Բնականաբար, սոցիալական ապահովության խնդիրներն առաջին հերթին կարգավորվում են համապատասխան օրենքների շրջանակում: Այդ պարտավորությունը կրում է պետությունը: Բայց կարող են լինել նաեւ տարատեսակ նախաձեռնությունների՝ պատգամավորների եւ նախարարների կողմից»:

Անդրադառնալով այն փաստին, որ սոցցանցերում նախարարի քայլը որոշ քաղաքացիներ «բոշայություն» են որակել, Նահապետյանը նկատեց. «Չէի ուզենա գույները խտացնել եւ այդ գրառման հետ կապված որոշակի ծայրահեղ իրավիճակ փորձել ստեղծել: Կարծում եմ՝ հանդուրժողականության մթնոլորտ պետք է ձեւավորենք»:

Կորյուն Նահապետյանի խոսքով՝ ամեն դեպքում, գնահատականներ հնչեցնելիս պետք է կոռեկտություն պահպանել:

Լուիզա ՍՈՒՔԻԱՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունվար 2018
Երկ Երե Չոր Հնգ Ուրբ Շաբ Կիր
« Դեկ   Փետ »
1234567
891011121314
15161718192021
22232425262728
293031