«Գուցե ընդվզում լինի, բայց հասարակական դժգոհությունը որպես «բունտ» որակելը ճիշտ չէ»,-ԱԺ-ում այսօր լրագրողների հետ զրույցում անդրադառնալով «Ելք» խմբակցության՝ ուրբաթ օրն ընդդեմ թանկացումների կազմակերպելիք երթին, ասաց ՀՀԿ-ական պատգամավոր Խոսրով Հարությունյանը:
Նա նշեց, որ թանկացումների առնչությամբ հունվարի 23-ին ԱԺ-ում լսումներ կլինեն: Լրագրողները հիշեցրին «Ելք»-ի դիտարկումն առ այն, որ իշխանությունները որոշել են լսումներ կազմակերպել՝ հաշվի առնելով երթի արդյունքում հնարավոր հասարակական ընդվզումը: Խոսրով Հարությունյանը չհամաձայնեց:
«Ելք»-ը կարող է այդպես մեկնաբանել, բայց հավատացնում եմ՝ դրանով պայմանավորված չեն լսումները: Մենք դեռ դեկտեմբերին մեր հանձնաժողովում քննարկում էինք առանձին ապրանքատեսակների հարկերի բարձրացման հետեւանքները մեղմելու հարցը եւ լսումներ անցկացնելու անհրաժեշտությունը: Այդ ժամանակ «Ելք»-ի երթի մասին առաջարկ չկար»,-նշեց Խոսրով Հարությունյանը:
Նա վստահեցրեց, որ թանկացումների առնչությամբ խորհրդարանական լսումների անցկացումը եւ «Ելք»-ի երթի կազմակերպումը պարզապես զուգադիպել են:
Լուիզա ՍՈՒՔԻԱՍՅԱՆ
