Լրահոս
Օրվա լրահոսը

Դավիթ Հարությունյանը «Ճվճվ Արո»-ի որդիների գործունեությանը գնահատականներ չտվեց (Տեսանյութ)

Հունվար 17,2018 17:20

Քրեական հեղինակություն համարվող Արա Վարդանյանի՝ «Ճվճվ Արո»-ի որդու մասնակցությամբ վերջերս տեղի ունեցած ողբերգական ավտովթարի եւ նշյալ անձի երկու որդիների կողմից հնարավոր հանցագործությունների կատարման դեպքերին այսօր ԱԺ-ում լրագրողների հետ զրույցում անդրադարձավ ՀՀ Արդարադատության նախարար Դավիթ Հարությունյանը: Լրագրողները մասնավորապես հետաքրքրվեցին՝ «Ճվճվ Արո»-ի երկու որդիներն էլ նախկինում հետախուզման մեջ են եղել, սակայն միայն ոստիկանների մահվան ելքով ավտովթարից հետո են հայտնաբերվել. սա չի՞ խոսում անպատժելիության մասին»:

Հարությունյանը գնահատականներ չտվեց՝ ակնարկելով, որ խոսքը կոնկրետ իրավիճակին է վերաբերում: «Չեմ կարող ասել, թե Սերժ Վարդանյանը ինչու մինչ այդ չէր հայտնաբերվում: Նման հարցերը ոստիկանությանն ուղղեք»,-հորդորեց նախարարը, ապա կրկին ընդգծեց, որ նման հարցերի հասցեատերն ինքը չէ:

«Ես նախարար եմ, ոչ թե անձ, որը քաղաքական պատասխանատվություն է կրում ոստիկանության աշխատանքի համար: Ես ի պաշտոնե չեմ կարող տիրապետել մի տեղեկատվության, որի շուրջ հարցերը քննչական մարմիններին պետք է ուղղել»,-պնդեց Դավիթ Հարությունյանը:

Լուիզա ՍՈՒՔԻԱՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունվար 2018
Երկ Երե Չոր Հնգ Ուրբ Շաբ Կիր
« Դեկ   Փետ »
1234567
891011121314
15161718192021
22232425262728
293031