«Հոկտեմբերի 27-ի» գործով ցմահ ազատազրկման ենթարկված ու միայն վերջերս մահացած Էդուարդ Գրիգորյանի մորից առանձնապես խոշոր չափերի գույք հափշտակելու համար մեղադրվող Թերեզա Սարգսյանի գործով դատական նիստն այսօր հետաձգվեց: Դատարանը մեղադրող դատախազից գրություն էր ստացել, որ վերջինս չի կարող նիստին ներկայանալ:
Դատախազ Արծրունի Առաքելյանն այսօր պետք է մեղադրական ճառը ներկայացներ: Հիշեցնենք, որ Թերեզա Սարգսյանն իրեն մեղավոր չի ճանաչում: Հաջորդ դատական նիստի մասին դատարանը կողմերին լրացուցիչ կտեղեկացնի:
Հիշեցնենք նաեւ, որ Թերեզա Սարգսյանին մեղադրանք է առաջադրվել այն բանի համար, որ նա ՔԿՀ-ում ցմահ ազատազրկում կրող Էդուարդ Գրիգորյանի նկատմամբ համաներում կիրառելու և ներում շնորհելու կեղծ խոստմամբ, վերջինիս մորը՝ Թերեզա Օհանյանին, դրդել է իր միջոցով առանձնապես խոշոր չափերով՝ 4.903.740 ՀՀ դրամին համարժեք 12000 ԱՄՆ դոլար գումար կաշառք տալ պաշտոնատար անձանց, ապա, ստանալով նշված գումարը՝ հափշտակել է առանձնապես խոշոր չափերով գույքը։
Արփինե ՍԻՄՈՆՅԱՆ
